site
stats
سندھ

سندھ اسمبلی نے سی ای او کے الیکٹرک کو طلب کرلیا، جیل بھیجنے کی دھمکی

کراچی : سندھ اسمبلی کی پارلیمانی کمیٹی نے کے الیکٹرک کے سی او کو تین دن میں کمیٹی کے سامنے پیش ہونے کی مہلت دے دی۔چیئرمین پارلیمانی کمیٹی کا کہنا ہے کہ سی ای او آئندہ اجلاس میں پیش نہ ہوئے تو انہیں جیل بھی بھیج سکتے ہیں۔

تفصیلات کے مطابق کے الیکٹرک سے متعلق سندھ اسمبلی کی پارلیمانی کمیٹی کا اجلاس چیئرمین جاوید ناگوری کی صدارت میں ہوا۔ اجلاس میں کمیٹی کے ارکان نے کے الیکٹر ک کے ڈپٹی ڈائریکٹر عبدالحمید بھٹی کو بات کرنے کی اجازت نہیں دی اور موقف اختیار کیا کہ کے الیکڑک کے سی ای او کی عدم موجودگی کے باعث اجلاس نہیں چل سکتا جس پر اجلاس تین جون تک ملتوی کردیا گیا۔

کمیٹی کے سربراہ کا کہناتھا کہ کے الیکٹرک کے افسران آئندہ اجلاس میں اپنی ڈگریاں بھی ساتھ لائیں ہمیں ان کی اہلیت پربھی شک ہے۔

ارکان کمیٹی نے بھی کے الیکڑک انتظامیہ پر برہمی کا اظہار کیا اور کہا کہ کراچی کے لوگوں پر طویل لوڈ شیڈنگ مسلط کی جارہی ہے۔

چئیرمین کمیٹی جاوید ناگوری کا کہنا تھا کہ کے الیکٹرک شہر کے حالات خراب کرنا چاہتی ہے جو ہم ہونے نہیں دیں گے۔انہوں نے کراچی سمیت سندھ بھر میں لوڈشیڈنگ کا ذمہ دار وفاقی حکومت کو قرار دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top