site
stats
پاکستان

اسپیکر کی باتوں پر ہنسی آتی ہے، خواجہ اظہار، میں کامیڈین نہیں، درانی

کراچی: سندھ اسمبلی کے اپوزیشن لیڈر خواجہ اظہار نے کہا ہے کہ پیپلز پارٹی نے پنجاب کی حالت بدلنے کے حوالے سے بیان دیا تو دل سے نکلا بس کر پگلے رلائے گا کیا، اسپیکر کی باتوں پر بھی ہنسی آتی ہے جواب میں آغا سراج درانی نے کہا کہ میں کامیڈین نہیں۔

سندھ اسمبلی کے اجلاس میں حکومت اور اپوزیشن کے درمیان مزاحیہ جملے سننے میں آئے، پیپلزپارٹی سندھ کے وزیر کی جانب سے پنجاب کی حالت بدلنے کے بیان پر خواجہ اظہار نے مذاق بنا دیا۔

خواجہ اظہار نے کہا کہ پی پی نے دعویٰ کیا کہ پنجاب میں ہماری حکومت ہوگی تواس کا سندھ جیسا حال کردیں گے، ایسا بیان سننے کے بعد دل سےنکلا بس کردے پگلے رلائے گا کیا؟

خواجہ اظہار نے کہا کہ اسپیکر صاحب کی بھی کچھ باتیں ایسی ہوتی ہیں جن پر بہت ہنسی آتی ہے، اسمبلی میں مذاق تو ہوتا رہتا ہے مگر کراچی کے لیے کوئی سنجیدہ نہیں باوجود اس کے کہ یہاں کے لوگ 98 فیصد ٹیکس سندھ ریونیو بورڈ میں بھی جمع کرواتے ہیں۔

اپوزیشن لیڈر نے کہا کہ کراچی کو حکومت سندھ نے سونے کی مرغی سمجھا ہوا ہے مگر اب ایسا نہیں چلے گا۔

سنیئر صوبائی وزیر نثار کھوڑو نے خواجہ اظہار کو مخاطب کرتےہوئے کہا کہ آپ 2008 سے اسمبلی کا حصہ ہیں مگر افسوس ابھی تک کچھ نہیں سیکھ سکے، کراچی سندھ کا دارالحکومت ہے ٹیکس اکٹھا کر کے پورے صوبے پر لگائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top