کراچی: قائد اعظم ٹرافی کے پہلے راؤنڈ میچ میں سندھ نے سینٹرل پنجاب کو باآسانی 6 وکٹوں سے شکست دے دی۔
تفصیلات کے مطابق قائد اعظم ٹرافی کے میچ میں سرفراز احمد کی سندھ نے اظہر علی کی سینٹرل پنجاب کو شکست دے دی، میچ کے چوتھے روز سینٹرل پنجاب نے 239 رنز 7 کھلاڑی آؤٹ پر اننگز ڈکلیئر کی اور سندھ کو جیت کے لیے 212 رنز کا ہدف دیا تھا۔
سندھ نے سینٹرل پنجاب کی جانب سے دیا جانے والا 212 رنز کا ہدف 4 وکٹ پر حاصل کرلیا، عمر بن یوسف نے 44 اور سعود شکیل نے 61 رنز کی شاندار اننگز کھیلی۔
Highlights from the morning session.
WATCH: https://t.co/f9MKWYinHO#SINDHvCP | #QeA20 | #HarHaalMainCricket pic.twitter.com/3GDpXNzsgW
— Pakistan Cricket (@TheRealPCB) October 28, 2020
Match Summary!
Central Punjab: 207 & 243-7d
Sindh: 239 & 214-4
Result: Sindh won by 6 wickets#SINDHvCP | #QeA20 | #HarHaalMainCricke
— Quaid-e-Azam Trophy (@TheRealPCB_Live) October 28, 2020
دوسرے میچ میں یاسر شاہ کی شاندار بولنگ کی بدولت بلوچستان نے خیبرپختونخوا کو 186 رنز سے شکست دے دی، یاسر شاہ نے میچ میں 8 وکٹیں حاصل کیں۔
خیبرپختونخوا کو میچ کے چوتھے روز جیت کے لیے 280 رنز درکار تھے، کے پی کی ٹیم 413 رنز کے تعاقب میں 226 رنز پر ڈھیر ہوگئی۔
Kashif Bhatti and Yasir Shah power Balochistan to a 186-run win over KP#BALvKP Scorecards: https://t.co/PM8OblvcxX#QeA20 | #HarHaalMainCricket pic.twitter.com/hepWdOr4qx
— Pakistan Cricket (@TheRealPCB) October 28, 2020
بلوچستان کے فاسٹ بولر خرم شہزاد نے 5 کھلاڑیوں کو پویلین کی راہ دکھائی، بسم اللہ خان نے فرسٹ کلاس کیریئر کی تیسری سنچری بنائی، کاشف 98 رنز بنا کر نمایاں رہے۔
گزشتہ روز قائد اعظم ٹرافی کے پہلے راؤنڈ میچ میں زاہد محمود کی تباہ کن بولنگ کی بدولت سدرن پنجاب نے ناردرن کو شکست دی تھی، زاہد محمود نے میچ میں 10 وکٹیں حاصل کی تھیں۔
