کراچی: سندھ حکومت نے محکمہ ماحولیات کی سفارشات منظور کرتے ہوئے پولی تھین بیگز پر مرحلہ وار پابندی لگانے کی منظوری دے دی۔
تفصیلات کے مطابق وزیرِ اعلی سندھ مراد علی شاہ کی زیرِ صدارت صوبائی کابینہ کا اجلاس منعقد ہوا، اجلاس میں پلاسٹک کی تھیلیوں پر مرحلہ وار پابندی کی منظوری دی گئی۔
[bs-quote quote=”پولی تھین بیگ کی تیاری اور در آمد قانوناً جرم ہے” style=”style-7″ align=”left” color=”#dd3333″ author_job=”محکمہ ماحولیات”][/bs-quote]
قبل ازیں، کابینہ اجلاس میں پولی تھین بیگز کے استعمال پر پابندی کا معاملہ زیرِ غور آیا، محکمہ ماحولیات نے کہا کہ پولی تھین بیگ کی تیاری اور در آمد قانوناً جرم ہے۔
سندھ کابینہ نے پولی تھین بیگز کے استعمال پر محکمۂ ماحولیات کی سفارشات منظور کر لیں، اجلاس میں پولی تھین بیگز کے استعمال پر مرحلہ وار پابندی لگانے کی تجویز پیش کی گئی۔
پہلے مرحلے میں سکھر اور اس سے ملحقہ اضلاع میں پولی تھین بیگ کے استعمال پر پابندی عائد کی جائے گی، جب کہ اگلے مراحل میں کراچی اور حیدر آباد میں اس کا اطلاق کیا جائے گا۔
یہ بھی پڑھیں: پانی میں گُھل جانے والا ماحول دوست پلاسٹک کا تھیلا
کابینہ فیصلے کے مطابق 3 ماہ میں مرحلہ وار تمام اضلاع میں پلاسٹک کی تھیلیوں کے استعمال پر پابندی لگائی جائے گی۔
پولی تھین بیگز پر پابندی کو مؤثر بنانے کے لیے ان تھیلیوں کے تیار کنندہ گان اور تاجروں کو اعتماد میں لیا جائے گا۔
