سندھ کابینہ کا ہنگامی اجلاس آج طلب، 9 ماہ کے بجٹ کی منظوری دی جائے گی
The news is by your side.

Advertisement

سندھ کابینہ کا ہنگامی اجلاس کل طلب، 9 ماہ کے بجٹ کی منظوری دی جائے گی

کراچی: سندھ کابینہ کا ہنگامی اجلاس کل طلب کرلیا گیا، اجلاس میں 9 ماہ کے بجٹ کی منظوری دی جائے گی۔

تفصیلات کے مطابق سندھ کابینہ کا ہنگامی اجلاس کل ہوگا، سندھ کابینہ کے ایجنڈے میں وزرا کی لگژری گاڑیوں کا استعمال بھی شامل ہے۔

اجلاس میں نوماہ کے بجٹ کی منظوری دی جائے گی، جبکہ ایجنڈے میں وزرا کی لگژری گاڑیوں کا استعمال بھی شامل ہے، سپریم کورٹ نے لگژری گاڑیوں کے استعمال سے منع کردیا تھا۔

دوسری جانب گذشتہ ہفتے سکھر میں میڈیا سے گفتگو کرتے ہوئے سندھ اسمبلی کے اسپیکر آغا سراج درانی نے کہا تھا کہ اگر کسی کو اعتراض ہے تو سرکاری گاڑیاں بیچنے کے لیے تیار ہیں، میرے ساتھ کوئی بڑا پروٹوکول نہیں ہوتا۔

سندھ کابینہ کا 2 ماہ سے اسٹریٹ کرائم کی وارداتوں میں اضافے پر اظہار تشویش

خیال رہے کہ رواں سال اگست میں وزیرِ اعلیٰ سندھ کی زیرِ صدارت نئی کابینہ کے پہلے اجلاس میں کراچی میں دو ماہ سے اسٹریٹ کرائمز کی بڑھتی وارداتوں پر تشویش کا اظہار کیا گیا تھا۔

مذکورہ اجلاس میں اسٹریٹ کرائمز کے خاتمے کے لیے کابینہ نے سخت قوانین بنانے کا فیصلہ بھی کیا تھا۔

اگر کسی کو اعتراض ہے تو سرکاری گاڑیاں بیچنے کے لیے تیار ہیں: آغا سراج درانی

اجلاس سے خطاب کرتے ہوئے وزیرِ اعلیٰ سندھ مراد علی شاہ نے کہا تھا کہ شہریوں کے جان ومال کی حفاظت ہماری ذمہ داری ہے، مجھے سب پتا ہے کوتاہیاں کہاں ہو رہی ہیں۔

Comments

comments

یہ بھی پڑھیں