The news is by your side.

Advertisement

احساس کفالت پروگرام میں رجسٹرڈ افراد کیلئے بڑی خوشخبری

کابینہ نےنجی اسکولوں کی فیس میں20فیصدکمی کی منظوری دے دی

کراچی : سندھ کابینہ نے احساس کفالت پروگرام پر ٹیکس معاف کردیا اور کہا پروگرام کیلئے بینکوں سےجاری رقوم پر سندھ ریونیو بورڈ کا ٹیکس نہیں لیا جائے گا جبکہ دفعہ144کے اختیارات کمشنرز کو سونپ دیے۔

تفصیلات کے مطابق وزیراعلیٰ سندھ مراد علی شاہ کی زیر صدارت سندھ کابینہ کا اجلاس ہوا ، جس میں کوروناوائرس کی صورتحال پربریفنگ دی گئی اور کورونا سے انتقال کرنے والے افراد کیلئے دعائے مغفرت کی گئی۔

سندھ کابینہ میں کورونا کےمریضوں کی جلد صحت یابی کیلئے بھی دعا کی اور کورونا کے پھیلنے کے افسوس میں ایک منٹ کی خاموشی اختیار کی۔

وزیراعلیٰ سندھ مراد علی شاہ نے بتایا کہ آج2733ٹیسٹ کیے گئے، کل تعداد43949 ہوگئی، آج 341 نئے کیسز سامنے آئے اور مزید 4کورونا مریض انتقال کرگئے، جس کے بعد اموات کی تعداد85 ہوگئی۔

مراد علی شاہ نے کہا کہ 3946 مریض زیرعلاج ہیں جن میں 24کی صورتحال خراب ہے اور 16 مریضوں کو وینٹی لیٹرز پر رکھا گیا ہے، 2705 مریض گھروں میں اور 825 مریض آئیسولیشن مراکزمیں زیرعلاج ہیں۔

ان کا کہنا تھا کہ مریضوں میں اضافے کے باعث بستروں کی تعداد بڑھا رہےہیں، ایکسپو سینٹر میں 1200 سےبڑھاکر 1500بستر کرنے کا فیصلہ کیا، پی اے ایف میوزیم سائٹ پر600 اور گڈاپ اسپتال150بستر کا اضافہ کیا۔

وزیراعلیٰ سندھ نے مزید کہا کہ دمباگوٹھ اسپتال میں120 بستروں کامرکزقائم کرنے اور 100 بستروں کا فیلڈ آئیسولیشن سینٹر ہر ضلع میں قائم کرنے کا فیصلہ کیا ہے۔

سندھ کابینہ نے احساس کفالت پروگرام پرٹیکس معاف کردیا اور کہا پروگرام کیلئے بینکوں سے جاری رقوم پر سندھ ریونیو بورڈ کا ٹیکس نہیں لیا جائے گا جبکہ کابینہ نےنجی اسکولوں کی فیس میں20فیصدکمی کی منظوری بھی دے دی ، نجی اسکولوں کی فیسوں میں کمی کااطلاق اپریل اورمئی میں ہوگا۔

کابینہ نے ایڈووکیٹ جنرل کو ہدایت کی کہ فیصلے سے سندھ ہائی کورٹ کو آگاہ کیا جائے، سندھ ہائی کورٹ کو بتایا جائے کابینہ نے فیصلہ عوامی مفاد میں کیا ہے۔

سندھ کابینہ نے دفعہ144 کے اختیارات کمشنرز کو سونپ دیے، کمشنرز کو اختیارات کورونا سے متعلق احتیاطی تدابیر کیلئے دیے گئے ہیں۔

Comments

یہ بھی پڑھیں