وزیراعلیٰ سندھ سید مراد علی شاہ نے سیلات متاثرین کے لیے امداد کا اعلان کرتے ہوئے کہا ہے کہ سیلاب متاثر فی خاندان کو 25 ہزار روپے دیےجائیں گے۔
تفصیلات کے مطابق و زیراعلیٰ سندھ مرادعلی شاہ کی زیرصدارت کمشنر آفس نواب شاہ میں اجلاس ہوا جس میں وزیراعلیٰ نے کہا کہ بارشوں کی شدت کی وجہ سےلوگوں کاکافی زیادہ نقصان ہوا ہے میرے آنے کا مقصد عوام کے مسائل سننا اور ان کے مسائل کا حل نکالنا ہے۔
ڈپٹی کمشنر نے بریفنگ میں بتایا کہ شہید بے نظیر آباد میں 7 جولائی سے 19 اگست تک 443 ملی میٹر بارش ریکارڈ ہوئی بارشوں کے باعث 9 افراد جاں بحق اور 26 زخمی ہوئے شہید بے نظیرآباد میں 26342 گھر متاثر ہوئے۔
ڈپٹی کمشنر نے کہا کہ انتظامیہ نے 48 ریلیف کیمپس قائم کیےجہاں 1336متاثرین کو رکھا گیا ہے شہید بےنظیرآباد میں 205810 ایکڑ پرفصل تباہ ہوئی۔
اس موقع پر وزیراعلیٰ کا کہنا تھا کہ 60 فیصد غریب خاندانوں کو 25ہزار روپے دیےجائیں گے فصلوں کونقصان ہوا ہے میری کوشش ہوگی کہ ہم اس مشکل وقت میں انکی مددکریں ہماری کوشش ہوگی کہ بجلی کانظام یہاں پربہتررہے۔
وزیراعلیٰ کا کہنا تھا کہ شہید بے نظیر آباد کو آفت زدہ قرار دیدیا ہے سندھ کےعوام سیلاب سے شدید متاثر ہوئے ہیں۔
