The news is by your side.

Advertisement

وزیراعلیٰ سندھ کا پولیو ویکسین سے انکاری والدین پر مقدمہ درج کرانے کا حکم

کراچی: وزیراعلیٰ سندھ مراد علی شاہ نے والدین کی طرف سے پولیو ویکسین سے انکار پر شدید برہمی کا اظہار کرتے ہوئے والدین پر مقدمہ درج کرانے کا  حکم دے دیا اور کہا کتنی بھی مالی مشکلات ہوں، پولیوپروگرام کومکمل فنڈزدیئے جائیں۔

تفصیلات کے مطابق وزیراعلیٰ سندھ مراد علی شاہ کی زیرصدارت انسداد پولیوٹاسک فورس کا اجلاس ہوا ، اجلاس میں وزیر صحت عذرہ پیچوہو، وزیر بلدیات سعید غنی اور دیگر وزرا نے شریک کی۔

وزیراعلیٰ سندھ نے والدین کی طرف سے پولیو ویکسین سے انکار پر شدید برہمی کا اظہار کرتے ہوئے کہا پولیو ویکسین سے انکاری والدین پر مقدمہ درج کرائیں اور مقدمہ دائر کرکے کارروائی کی جائے۔

اجلاس میں بریفنگ میں بتایا گیا کراچی میں 251806 بچوں کی ویکسی نیشن سے والدین نے انکار کیا، کراچی گڈاپ،گلشن ، بلدیہ، لانڈھی ، بن قاسم، سائٹ، لیاقت آباد اور صدر کے علاقوں میں پولیو وائرس موجود ہے جبکہ سکھر، جیکب آباد اور دیگر شہروں میں بھی وائرس موجودگی کی تصدیق ہوئی ہے۔

وزیراعلیٰ سندھ نے پولیو کے وائرس کو ختم کرنے کے اقدامات کی ہدایت کرتے ہوئے کہا رواں سال 2 کیسز ظاہر ہونا افسوس ناک ہے، پولیو کے خاتمے کیلئے حکمت عملی تبدل کرنا ہوگی۔

مراد علی شاہ نے پولیو ورکرز کی تربیت کو مزید بہترکرنے کی ہدایت کرتے ہوئے پولیو کیسز والے اضلاع کے ڈپٹی کمشنرز اور دیگر افسران کو شوکاز دینے کا حکم
دے دیا ، آپ ان کے خلاف ڈسیپلنری ایکشن لیں۔

ان کا کہنا تھا کتنی بھی مالی مشکلات ہوں، پولیو پروگرام کو مکمل فنڈز دیئے جائیں، فنانس نے ایک ملین روپے ڈویژنل پولیوٹاسک فورس کوجاری کیے۔

وزیراعلیٰ سندھ نے سیکیورٹی مسائل دیکھنے کیلئے کوآرڈینیشن کمیٹی کا اجلاس بلانے کی ہدایت کرتے ہوئے کہا کوآرڈینیشن کمیٹی میں آئی جی ،رینجرز اور دیگر اداروں کے ممبراں شامل ہیں جبکہ پولیو ویکسین کے مسنگ بچوں کیلئے خصوصی مہم چلانے کا بھی فیصلہ کیا گیا۔

Comments

comments

یہ بھی پڑھیں