The news is by your side.

Advertisement

سڑک پر کچرا پھینکا تو عمارت اور دکان سیل کردوں گا، وزیراعلیٰ سندھ کی وارننگ

کراچی : وزیراعلیٰ سندھ مراد علی شاہ نے وارننگ دی ہے کہ سڑکوں پر کچرا نظر آیا تو عمارت اور دکان کو سیل کردوں گا اور ہدایت کی لوگوں کو کچرا سڑکوں پر نہ پھینکنے کیلئے پابند کریں۔

تفصیلات کے مطابق وزیراعلیٰ سندھ مراد علی شاہ کی زیرصدارت کچرا اٹھانے پرجائزہ اجلاس ہوا ، جس میں وزیراعلیٰ سندھ نے کہا کچھ لوگ خواہ مخواہ صفائی مہم پر تنقید کر رہے ہیں، ایسٹ ضلع میں میڈیا کو مکمل بریفنگ دیں، گڈاپ یوسی 31 میں ہمیشہ مسئلہ رہاہے، اس علاقے کو بھی صاف ستھرا رکھیں۔

وزیراعلیٰ سندھ نے وزرا کو علاقوں کی صفائی کی مانیٹرنگ بہترکرنےکی ہدایت دیتے ہوئے کہا ڈی سیز کمیونٹی کو مشغول کریں تاکہ صفائی روزانہ کا معمول بنے، جہاں سے بھی صفائی ہو یوسی چیئرمین ان کو اون کریں۔

وزیراعلیٰ سندھ نے کورنگی میں 280کچرا کنڈیاں بنانے کی ہدایت کرتے ہوئے کہا جہاں گٹر ابل رہے ہیں واٹر بورڈ فوری صفائی کرے اور ڈی سیز صفائی کے ساتھ انسدادپولیو مہم میں بھرپور حصہ لیں، ڈی سی ساؤتھ درخت لگانے کی مہم شروع کریں، مجھے ضلع جنوبی مکمل طور پر صاف چاہئے۔

اجلاس میں مراد علی شاہ نے ڈی سی ساؤتھ کونکاسی آب کےنالے صاف کرنےکی ہدایت کی اور لیاری میں گٹرکی صفائی ،نکاسی آب کیلئے واٹربورڈ کو ہدف دے دیا اور کہا ضلع جنوبی میں کمرشل ایریا ہیں، کچرا سڑکوں پر نہ پھینکنے کیلئے پابند کریں۔

وزیراعلیٰ سندھ کا کہنا تھا کہ سڑکوں پر مٹی بھی نظر نہیں آنی چاہئے، میں شہر کے دورے پر نکلوں گا، سڑکوں پرملبہ نظر آیا تو عمارت کو سیل کردوں گا، دکاندار اپنی دکان کے سامنے ڈسٹ بن رکھیں اور کی کمشنر کو ہدایت کی سڑک پر کچرا پھینکیں گے تو دکان کو سیل کریں۔

وزیراعلیٰ سندھ کی صفائی کے ساتھ تجاوزات بھی ہٹانے کی ہدایت کرتے ہوئے کہا ڈی ایم سیز اپنی فرنٹ اینڈ صفائی کا کام جاری رکھیں، ڈی سی ویسٹ نے بتایا کہ 90 فیصد جمع شدہ کچرے کو ضلع سینٹرل سے اٹھا چکے ہیں، ڈی ایم سی ویسٹ والےصفائی کا کام نہیں کر رہے، 62000 سے 50000 ٹن کچرا لینڈفل سائٹ بھیج چکے۔

وزیر پی ایچ ای شبیر بجارانی نے کہا ڈی ایم سی ویسٹ بالکل تعاون نہیں کر رہا، جس پر وزیراعلیٰ سندھ نے وزیر بلدیات کو ڈی ایم سی ویسٹ کیخلاف کارروائی کی ہدایت کردی۔

Comments

comments

یہ بھی پڑھیں