کراچی: تحریک انصاف کے رہنما اور سندھ اسمبلی کے اپوزیشن لیڈر حلیم عادل شیخ نے انکشاف کیا ہے کہ ڈاکوؤں نے وفاقی وزیر برائے نجکاری محمد میاں سومرو کو دھمکیاں دی ہیں۔
اے آر وائی نیوز کے مطابق حلیم عادل شیخ نے محمد میاں سرمرو کو ملنے والی دھمکیوں کی مذمت کرتے ہوئے کہا کہ ’کچے کے ڈاکو پکڑے جاتے ہیں تو پکے کے ڈاکو دھمکیاں دیتے ہیں‘۔
انہوں نے الزام عائد کیا کہ اعجاز جاکھرانی کی گرفتاری کے لیے مارے جانے والے چھاپے پر نیب کے افسران اور ملازمین کو ڈاکوؤں سے دھمکیاں دلوائی جارہی ہیں، سندھ حکومت کے ڈاکو اسلحہ کے ساتھ ویڈیو بیان جاری کررہے ہیں، سندھ میں تمام جرائم پیشہ افراد کے سرغنہ پی پی کے وزرا ہیں‘۔
انہوں نے کہا کہ ’پاکستان پیپلزپارٹی کے وزرا کرپشن کر کے بلوں میں چھپ جاتے ہیں، جب اُن کے خلاف کارروائی کی جائے تو وہ ڈاکوؤں کے ذریعے دھمکیاں دلواتے ہیں، اب پیپلزپارٹی کا گھناؤنا چہرہ سامنے آچکا ہے‘۔
اعجاز جکھرانی کے غنڈوں کی وفاقی وزیر محمد میاں سومرو کو سنگین نتائج کی دھمکیاں ۔ 😱
ایس ایس پی جیکب آباد شمائل ریاض ملک بااثر افراد کے سامنے بے بس ۔ ✍️🤔🤭 pic.twitter.com/TlC9cmCiyB— Lala Asad Pathan (@LalaAsadPathan) July 4, 2021
انہوں نے مطالبہ کیا کہ وفاق اس معاملے میں مداخلت کرے اور پاک فوج و رینجرز کی مدد سے سندھ کے ڈاکوؤں کے خلاف آپریشن کرے۔