گرمی کے ستائے طلبا کے لئے خوشخبری، محکمہ تعلیم سندھ نے موسم گرما کی تعطیلات کا اعلان کردیا۔
تفصیلات کے مطابق محکمہ تعلیم سندھ نے صوبے بھر میں موسم گرما کی تعطیلات کا اعلان کردیا ہے، جس کا نوٹی فیکیشن بھی جاری کردیا گیا ہے۔
موسم گرما کی تعطیلات کا فیصلہ اسٹئیرنگ کمیٹی کے اجلاس میں کیا گیا، اجلاس میں شریک بورڈ سربراہان، سیکرٹری تعلیم اور نجی اسکولوں کے نمائندوں نے محکمہ تعلیم کے فیصلے سے اتفاق کیا۔
نوٹی فیکیشن کے مطابق سندھ میں تمام اسکولز یکم جون دو ہزار بائیس سے اکتیس جولائی بائیس تک بند رہیں گے۔
شیڈول کے مطابق یکم اگست سے اسکولوں میں نئے تعلیمی سال کا آغاز ہوگا۔
عالمی وبا کرونا وائرس پر کنٹرول کے بعد یہ پہلا موقع ہے جب سندھ نے موسم گرما کی تعطیلات شیڈول کے تحت کی ہیں ، اس سے قبل سال دوہزار بیس میں کرونا وبا کے آغاز میں قبل از وقت موسم گرما کی تعطیلات کا اعلان کیا گیا تھا جس کا دورانیہ کم وبیش چار ماہ پر مشتمل تھا۔
سال دوہزار اکیس میں بھی موسم گرما کی تعطیلات کو قبل از وقت دیا گیاتھا۔
