کراچی: وزیر توانائی سندھ امتیاز شیخ نے بارشوں میں کرنٹ سے اموات پر سخت نوٹس لے لیا۔
تفصیلات کے مطابق وزیر توانائی سندھ امتیاز شیخ نے سیکرٹری پاور ڈویژن ، چیئرمین نیپرا اور ایم ڈی کے الیکٹرک سے رابطہ کیا۔انہوں نے کہا کہ بارشوں میں کرنٹ سےاموات کے ذمہ داران کا تعین کر کے سخت ایکشن لیا جائے۔
وزیر توانائی نے کہا کہ رین ایمرجنسی سیل قائم کر دیا گیا ہے،حادثات اور کرنٹ لگنے کی صورت میں سیل سے رابطہ کیا جائے۔انہوں نے کہا کہ ورثا سامنے آئیں سندھ حکومت قانونی مدد کرےگی۔
امتیاز شیخ کا کہنا تھا کہ کراچی میں لوڈشیڈنگ سےمتعلق نیپرا کو بھی خط لکھ دیا ہے،کے الیکٹرک سے متعلق نیپرا اور وفاقی حکومت کا کام ہے،وفاقی حکومت کے کے الیکٹرک میں26 فیصد شیئر ہیں۔
کراچی: بارش کے باعث مختلف حادثات میں 5 افراد جاں بحق
خیال رہے کہ شہر قائد کے مختلف علاقوں میں آج کرنٹ لگنے سے بچے سمیت 6 افراد جاں بحق ہوگئے۔
واضح رہے کہ کراچی میں تین روز میں بارش کے باعث مختلف حادثات میں 15 افراد جاں بحق ہوچکے ہیں۔
