The news is by your side.

Advertisement

دریائے سندھ خیر پور کے مقام پر پانی کے بہاؤ میں اضافہ، حفاظتی بند کمزور پڑنے لگے

خیرپور : دریائے سندھ خیر پور کے مقام پر پانی کے بہاؤ میں اضافہ ہو رہا ہے، پانی کے تیز بہاؤ کے باعث حفاظتی بند کمزور پڑنے لگے۔

سندھ میں سیلاب کی تباہ کاریاں جاری ہیں، سیلاب تیزی سے حفاظتی بندوں کو نگلتے ہوئے دیہات اور فصلوں کو تباہ کر رہا ہے، دریائےسندھ خیر پورکےمقام پر پانی کےبہاؤ میں اضافے اورتیز بہاؤ کے باعث حفاظتی بند کمزور پڑنے لگے ہیں، مختلف مقامات پر بندوں میں رساؤ کے باعث کئی دیہات کے زیرِآب آنے کا خدشہ ہے، ایسی صورتحال میں انتظامیہ کا دور دور تک پتہ نہیں ہے۔

گذشتہ روز پیپلز پارٹی کے چیئرمین بلاول بھٹو زرداری کے معائنہ کے بعد خیر پور کے الراجا گیر بند سے رساؤ شروع ہوگیا، محکمہ آبپاشی نےانہیں بند کی بہتر حالت اور مضبوطی کے بارے میں بریفنگ دی تھی۔

دوسری جانب سکھربیراج پر پانی کے بڑھتے بہاﺅ اور پانی کی سطح بلند ہونی کی وجہ سے بند وال بند بھی سے پانی رسنےلگا ہے، یہ حفاظتی بندوال دوسال قبل کروڑوں روپےکی لاگت سے تعمیر کیا گیا تھا،  بندوال کی تعمیرمیں ناقص مٹیریل استعمال ہونیکی وجہ سے مختلف مقامات سےدریاکا پانی تیزی سے رسنے لگا ہے، جس سےشہریوں میں تشویش کی لہردوڑگئی ہے، انتظامیہ ریت کی بوریاں لگا کر پانی کے رساؤ کو روکنے کی کوشش کررہی ہے۔

Comments

comments

یہ بھی پڑھیں