کراچی: سندھ فوڈ اتھارٹی کا کریک ڈاؤن، 9 بڑے ہول سیلرز سیل، قانونی کارروائی جاری
The news is by your side.

Advertisement

کراچی: سندھ فوڈ اتھارٹی کا کریک ڈاؤن، 9 بڑے ہول سیلرز سیل

کراچی: شہر قائد میں کھلا آئل اور گھی کی فروخت کے خلاف سندھ فوڈ اتھارٹی نے کریک ڈاؤن کرتے ہوئے 9 بڑے ہول سیلرز سیل کردیے۔

تفصیلات کے مطابق کراچی کے علاقے واٹر پمپ اور گول مارکیٹ میں سندھ فوڈ اتھارٹی نے اہم کارروائی کرتے ہوئے نو بڑے ہول سیلرز سیل کیے۔

فوڈ اتھارٹی نے 5 ستمبر کو کھلےآئل اور گھی پر پابندی کا نوٹیفکیشن جاری کیا گیا تھا، سندھ فوڈ اتھارٹی نے سائنٹفک کمیٹی کی سفارش پر نوٹیفکیشن جاری کیا۔

سندھ فوڈ اتھارٹی کا کہنا ہے کہ ہول سیلرکے خلاف مقدمہ درج کرلیا گیا ہے، جبکہ نمونے لے کر لیبارٹری بھیج دیئے ہیں۔

ترجمان فوڈ اتھارٹی کے مطابق مطابق کھلا آئل اور گھی حفظان صحت کے اصولوں کے منافی ہے۔

کراچی، سندھ فوڈ اتھارٹی کا ایمپریس مارکیٹ میں چھاپہ، 2500 کلو مضر صحت گوشت تلف

خیال رہے کہ گذشتہ دنوں سندھ فوڈ اتھارٹی نے کراچی کی ایمپریس مارکیٹ میں چھاپہ مار کر 2500 کلو مضر صحت گوشت تلف کردیا تھا۔

فوڈ اتھارٹی حکام کا کہنا تھا کہ غیرمعیاری گوشت فراہم کرنے والے دکانداروں کے خلاف قانونی کارروائی عمل میں لائی جائے گی۔

واضح رہے کہ تین ماہ قبل سندھ فوڈ اتھارٹی نے شہر قائد کے علاقے کورنگی میں زہر آلود مٹھائیاں بنانے والے غیر قانونی فیکٹریوں پر چھاپہ مار کارروائی کرتے ہوئے مالکان کو رنگے ہاتھوں گرفتار کرلیا تھا۔

Comments

comments

یہ بھی پڑھیں