کراچی: سندھ حکومت نے ڈاکٹر عاصم پر الزامات کی تحقیقات کیلئے جے آئی ٹی تشکیل دیدی ہے، جس کا سربراہ ایس ایس پی سطح کا افسرہوگا۔
جے آئی ٹی کے ممبران میں آئی ایس آئی، ایم آئی، رینجرز، سی ٹی ڈی اور اسپیشل برانچ کے افسران شامل ہوں گے ،ذرائع کے مطابق جے آئی ٹی ٹیم سات روز میں اپنی رپورٹ محکمہ داخلہ سندھ کو پیش کرے گی۔
نوٹی فکیشن میں جے آئی ٹی ٹیم کو یہ بھی اختیار دیا گیا ہے کہ وہ ڈاکٹرعاصم پردہشتگردی کی معاونت کے الزام کا بھی جائزہ لے اور اپنی رپورٹ پیش کرے۔
واضح رہے کہ ڈاکٹرعاصم حسین نوے روز کیلئے رینجرز کی تحویل میں ہیں۔
ذرائع کے مطابق کرپشن کے حوالے سے کام کرنے والے ادارے نیب کے افسرکو جے آئی ٹی میں شامل نہیں کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں