The news is by your side.

Advertisement

سندھ حکومت کا کورونا سے نمٹنے کیلئے بڑا اقدام

کراچی : سندھ حکومت نے کورونا سے نمٹنے کیلئے بڑا اقدام کرتے ہوئے 7 مزید بائیو سیفٹی لیبز کے قیام کا فیصلہ کرلیا، بائیو سیفٹی لیبز کےقیام کے لیے 245 ملین روپے کابجٹ مختص کیا گیا ہے۔

تفصیلات کے مطابق سندھ حکومت نے کوروناسے نمٹنےکیلئے 7 مزید بائیو سیفٹی لیبز کے قیام کا فیصلہ کرلیا ، بائیوسیفٹی لیب سول اسپتال کراچی، اوجھا کیمپس ، حیدرآباد میں قائم کی جائیں گی جبکہ لاڑکانہ ، سکھر ، خیرپور اور بینظیر آباد میں بھی لیبز کا قیام عمل میں لایاجائے گا ، بائیو سیفٹی لیبز کےقیام کے لیے 245 ملین روپےکابجٹ مختص کیا گیا ہے۔

لاڑکانہ میں 5 سوبستروں پرمشتمل ملٹی ڈسپلنری اسپتال کےقیام کا فیصلہ کیا گیا اور اسپتال کے لیے بجٹ میں 50 ملین روپے مختص کئے گئے،

یاد رہے سندھ حکومت نے ضلع مٹیاری کےہالاشہرمیں میڈیکل کالج اورٹیچنگ اسپتال قائم کرنےکافیصلہ کیا تھا، میڈیکل کالج وٹیچنگ اسپتال کامنصوبہ4ارب میں تعمیر کیا جائےگا، موجودہ بجٹ میں منصوبے کیلئے ابتدائی رقم20کروڑ رکھنے کی تجویز دی گئی ۔

اس سے قبل سندھ حکومت نے کرونا وائرس کے کیسز میں تیزی سے اضافے پر کراچی میں مزید 5 اسپتال قائم کرنے کرنے کا اعلان کیا تھا، صوبائی وزیر صحت کا کہنا تھا کہ جولائی کے آخر تک 800 بیڈز پرمشتمل ہائی ڈپینڈنسی یونٹ قائم ہوجائیں گے جبکہ جولائی کے آخر تک 210 وینٹی لیٹرز کا اضافہ بھی کر دیا جائے گا اور 140 بیڈ کا ہائی ڈپینڈنسی یونٹ رواں ماہ ایکسپوسینٹر میں مہیا کر دیا جائےگا۔

Comments

یہ بھی پڑھیں