کراچی : ترجمان سندھ حکومت مرتضیٰ وہاب نے چینی ویکسین پر پابندی سے متعلق وضاحتی بیان میں کہا ہے کہ سندھ میں سائنو فام ویکسین پر کوئی پابندی عائد نہیں کی گئی۔
پاکستان پیپلز پارٹی کے رہنما و سابق سینیٹر مرتضیٰ وہاب نے سائنو فام پر پابندی کی خبر پر وضاحت پیش کردی، انہوں نے کہا کہ سائنو فام کے فریش ڈوز کو وقتی طور پر روکا گیا ہے، جس کا مقصد ان افراد کو ویکسین کی فراہمی یقینی بنانا ہے جو پہلا ڈوز لگوا چکے ہیں۔
ترجمان کا کہنا تھا کہ سائنو فام ویکسین کی وافر تعداد میں سپلائی کے بعد دوبارہ سے دونوں ڈوز لگائے جائیں گے۔
Sinopharm has not been banned in #Sindh, only its fresh dose has been stopped for the time being. This decision has been made to ensure adequate supply for people who have already received their 1st dose of Sinopharm #SayYesToVaccine https://t.co/HuMvM8yGzP
— Murtaza Wahab Siddiqui (@murtazawahab1) May 14, 2021
سائنوفام ویکسین کے استعمال پر پابندی! محکمہ صحت سندھ کے احکامات جاری
خیال رہے کہ محکمہ صحت سندھ کی جانب سے ڈی ایچ اوز کو جاری احکامات میں سائنو فام ویکسین کے استعمال سے روکا گیا تھا۔
محکمہ صحت نے اپنے بیان میں کہا تھا کہ پابندی صرف ویکسین کی پہلی ڈوز لگانے پر وقت طور پر عائد کی گئی ہے تاکہ ویکسین کی ڈوزز بچائی جاسکیں۔
