سندھ میں آئندہ 10 روز کے لیے ڈبل سواری پر پابندی عائد -
The news is by your side.

Advertisement

سندھ میں آئندہ 10 روز کے لیے ڈبل سواری پر پابندی عائد

کراچی: سندھ حکومت نے ملک کی حالیہ صورتحال کے پیش ِ نظر صوبے بھر میں دفعہ 144 نافذ کردی، آئندہ 10 روز تک کے لیے ڈبل سواری پر پابندی عائد کردی ہے۔

تفصیلات کے مطابق سندھ حکومت کی جانب سے جاری کردہ نوٹی فکیشن میں کہا گیا ہے کہ دفعہ 144 کے تحت صوبے بھر میں اسلحہ لے کرچلنےاورجلسےجلوسوں پر بھی پابندی عائد رہے گی۔

دفعہ 144 کے تحت 4سےزائدافرادکے ایک جگہ جمع ہونےپرپابندی رہے گی، یہ پابندی آئندہ دس روز کے لیے نافذ کی گئی ہے۔

یاد رہے کہ گزشتہ رات بھی صوبے میں امام حسین ؓ کے چہلم کے سلسلے میں سندھ حکومت نے کراچی میں ڈبل سوار عائد کرکے متعدد اضلاع میں موبائل سروس بھی جزوی معطل کرنے کا فیصلہ کیا گیا تھا۔

نوٹی فکیشن میں واضح نہیں کیا گیا ہے کہ صوبے میں ڈبل سوار ی پر پابندی اور دفعہ 144 کس سبب نافذ کی گئی ہے لیکن خیال کیا جارہا ہے کہ سپریم کورٹ کی جانب سے آسیہ بی بی کے رہائی کے بعد عوامی ردعمل کے پیش ِ نظر یہ فیصلہ کیا گیا ہے۔

صوبے بھرمیں ڈبل سواری پر پابندی کا اطلاق خواتین ، 12 سال سے کم عمر بچوں ، بزرگ شہریوں ، صحافیوں اور قانون نافذ کرنے والے ادارے کے اہلکاروں پر نہیں ہوگا۔

Comments

comments

یہ بھی پڑھیں