The news is by your side.

Advertisement

سندھ حکومت نے رمضان کے لیے ایس او پی حکم نامہ جاری کردیا

کراچی: سندھ حکومت کی جانب سے رمضان کے لیے ایس او پی حکم نامہ جاری کردیا گیا۔

تفصیلات کے مطابق سندھ حکومت نے رمضان کے لیے ایس او پی حکم نامہ جاری کردیا جس کے مطابق سندھ میں نماز تراویح کی ادائیگی گھروں پر ہوگی۔

حکم نامے کے مطابق شام 5 بجے سے صبح 8 بجے تک شہریوں کے گھروں سے نکلنے پر پابندی ہوگی، ریسٹورنٹ کو تیار کھانے شام 5 سے رات 10 بجے تک ڈیلیوری کی اجازت ہوگی۔

حکم نامے میں کہا گیا ہے کہ سموسے، پکوڑے، فروٹ چاٹ، جلیبی اسٹالز لگانے کی اجازت نہیں ہوگی۔

سندھ حکومت کی جانب سے جاری کردہ حکم نامے کے مطابق کسی نے خلاف ورزی کی تو سرگرمی مکمل بند کردی جائے گی، ایس او پی اور احکامات کا اطلاق پورے ماہ صیام میں ہوگا۔

مزید پڑھیں: رمضان میں شام 5بجے کے بعد لاک ڈاؤن ہوگا، وزیراعلیٰ سندھ

واضح رہے کہ اس سے قبل وزیراعلیٰ سندھ کا کہنا تھا کہ رمضان میں کاروبارپیرتاجمعرات صبح9 سے3بجےتک ہوگا اور صبح8سے5بجےتک دکانیں کھلی رہیں گی۔

مراد علی شاہ کا کہنا تھا کہ احترام رمضان آرڈیننس جاری رہےگا، تیار کھانے کی ڈلیوری 5سے10بجےتک ہوگی جبکہ سحری میں کوئی ہوم ڈلیوری سروس نہیں ہوگی۔

وزیراعلیٰ سندھ کا کہنا تھا کہ رمضان میں شام5بجے کے بعد لاک ڈاؤن ہوگا، شام 5بجے کے بعد تمام راستوں کی ناکہ بندی کی جائے گی ، مسجد میں اجتماعی افطاراورتراویح کی اجازت نہیں ہوگی جبکہ ماہ رمضان میں ڈبل سواری پر مکمل پابندی ہوگی۔

Comments

یہ بھی پڑھیں