The news is by your side.

Advertisement

لاک ڈاؤن : سندھ میں مزید ایک ماہ کی توسیع کا حکم جاری

کراچی : حکومت سندھ نے لاک ڈاؤن میں مزید ایک ماہ کی توسیع کردی، یکم جولائی کولگائی گئی پابندیاں15اگست تک مزیدبرقراررہیں گی، نوڑیفکیشن جاری کردیا گیا۔

تفصیلات کے مطابق سندھ حکومت نے صوبے میں جاری لاک ڈاؤن میں مزید ایک ماہ کی توسیع کردی ہے۔لاک ڈاؤن میں توسیع 15 اگست تک کی گئی ہے، محکمہ داخلہ سندھ نے اس سلسلے میں محکمہ داخلہ سندھ نے نیاحکم نامہ جاری کردیا۔

ذرائع کے مطابق صوبائی محکمہ داخلہ سندھ کی جانب سے جاری کردہ نوٹی فکیشن میں کہا گیا ہے کہ عوامی مقامات سمیت پارکس بھی 15 اگست بند رہیں گے۔

نوٹی فکیشن میں واضح کیا گیا ہے کہ یکم جولائی کو لگائی گئی پابندیاں15اگست تک مزید برقرار رہیں گی، تمام مزارات بند ہوں گے، ہر قسم کی تقاریب پر پابندی عائد ہوگی اور بین الصوبائی ٹرانسپورٹ بھی مزید ایک ماہ بند رہے گی۔

واضح رہے کہ حکومت سندھ نے یکم جولائی 2020 کو صوبے میں جاری لاک ڈاؤن میں 15 جولائی تک کی توسیع کی تھی
اس ضمن میں جاری کردہ نوٹی فکیشن میں کہا گیا تھا کہ ہفتے میں دو دن کاروبار مکمل طور پر بند رہے گا۔ ہفتے اور اتوار کے دنوں میں سبزی فروشوں کے علاوہ کسی دوسرے کاروبار کو کھلنے کی اجازت نہیں دی گئی تھی۔

صوبائی محکمہ داخلہ کی جانب سے جاری نوٹی فکیشن میں واضح تھا کہ تعلیمی ادارے، شادی ہالز، بزنس سینٹرز، ایکسپو ہالز اور عوامی مقامات بدستور بند رہیں گے۔ نوٹی فکیشن میں ہوم ڈلیوری کی سہولت گیارہ بجے تک حاصل کرنے کی اجازت دی گئی تھی۔

حکومت سندھ نے واضح کردیا تھا کہ صوبے میں کھیلوں کی تمام سرگرمیاں خواہ وہ ان ڈور ہوں یا آؤٹ ڈور بند رکھی جائیں گی، اسی طرح جم اور کلبوں پر بھی پابندی عائد کی گئی تھی۔

صوبائی محکمہ داخلہ کے جاری کردہ نوٹی فکیشن کے مطابق کاروبار کے اوقات کار صبح چھ سے شام سات بجے تک مختص کیے گئے تھے لیکن میڈیکل اسٹوروں اوردودھ، دہی و پرچون کی دکانوں کو اس سے استشنیٰ دیا گیا تھا۔

Comments

یہ بھی پڑھیں