The news is by your side.

Advertisement

کورونا ویکسین : کراچی والوں کیلئے بڑی خوشخبری آگئی

کراچی : محکمہ صحت سندھ نے بڑی  خوشخبری دیتے ہوئے کہا ہے کہ یکم فروری کو کورونا ویکسین کراچی پہنچےگی اور فروری کے پہلے ہفتے میں ہیلتھ کیئر ورکرز کو ویکسین لگنا شروع ہوجائے گی۔

تفصیلات کے مطابق سندھ حکومت نے کورونا ویکسین کا آرڈر دے دیا ، ذرائع محکمہ صحت سندھ کا کہنا ہے کہ یکم فروری کوویکسین کراچی پہنچےگی اور  سندھ میں فروری کے پہلے ہفتے میں ہیلتھ کیئرورکرز کوویکسین لگنا شروع ہوجائے گی۔

یاد رہے وزیر صحت سندھ ڈاکٹر عذرا پیچوہو نےوفاقی حکومت سے کورونا ویکسین خریدنے کی اجازت مانگتے ہوئے کہا تھا کہ ہم چاہتےہیں کہ ہم دیگر ممالک  سےویکسین حاصل کرسکیں اور لوگ جلدسے جلد صحت یاب ہوسکےہیں، ویکسی نیشن شروع نہ کی تو عالمی آمدورفت میں مشکلات ہوں گی۔

خیال رہے سندھ حکومت نے کورونا ویکسین کے سلسلے میں لائحہ عمل تیار کرلیا ہے، جس کے مطابق پہلےمرحلے میں طبی عملے کی ویکسین کے عمل کو مکمل کیا جائے گا اور دوسرےمرحلےمیں60سال تک کی عمر کے افراد کو کورونا ویکسین دی جائے گی۔

مختلف امراض میں مبتلاافرادکی ویکسین کو تیسرے مرحلے میں مکمل کیا جائے گا جبکہ چوتھے اور آخری مرحلےمیں عام افراد کو ویکسین لگائی جائے گی۔

Comments

یہ بھی پڑھیں