The news is by your side.

Advertisement

کوروناریلیف ایمرجنسی آرڈیننس، سندھ حکومت نے گورنر سندھ کے اعتراضات دور کردیئے

کراچی : سندھ حکومت نے کوروناریلیف ایمرجنسی آرڈیننس سے اعتراضات دور کردیئے ، عمران اسماعیل نے بجلی اورگیس بلوں کے معافی سے متعلق اعتراضات لگائے تھے۔

اے آر وائی کے نمائندے ارباب چانڈیو کے  مطابق حکومت سندھ نے کوروناریلیف ایمرجنسی آرڈیننس میں بجلی، گیس بل میں رعایت سے متعلق گورنر سندھ عمران اسماعیل کے اعتراضات دور کردیئے اور آرڈیننس دوبارہ منظوری کے لیے گورنر سندھ کو بھجوادیا ہے۔

یاد رہے گورنرسندھ عمران اسماعیل نے کورونا ایمرجنسی ریلیف آرڈیننس مسترد کرتے ہوئے اعتراض اٹھایا تھا کہ بجلی اورگیس بلوں میں رعایت وفاق کرسکتی ہے یہ سندھ حکومت کےدائرہ کار میں نہیں آتا۔

عمران اسماعیل کا کہنا تھا کہ ہرگزرتےدن کےساتھ وفاقی حکومت ریلیف کاکام بڑھارہی ہے، آئین کےتحت بجلی،گیس کےمعاملات وفاق کےکنٹرول میں ہیں، وفاق ملک بھرکےعوام بشمول سندھ میں ریلیف فراہم کررہاہے۔

مزید پڑھیں : سندھ کورونا ایمرجنسی ریلیف آرڈیننس مسترد

انھوں نے کہا کہ وفاقی حکومت کی ریلیف سرگرمیوں کادائرہ بڑھایاجارہاہے، حکومت کسی خوف،امتیازی سلوک کےبغیر ریلیف کا کام جاری رکھےگی۔

خیال رہے سندھ کابینہ نے27اپریل کوکوروناریلیف آرڈیننس منظوری کے لیے گورنر کو بھیجا تھا۔

یاد رہے سندھ کابینہ نے کوروناوائر س آرڈیننس کی منظوری دی تھی، آرڈیننس کے تحت کسی بھی ملازم کونوکری سے نکالانہیں جاسکتا اور پرائیویٹ سیکٹرمیں کام کرنے والے ملازم کو تنخواہ لازمی دینا ہوگی۔

آرڈیننس کے مطابق اسکولوں کی فیس20فیصدمعاف کرنی ہوگی اور بجلی کے بلوں میں مرحلہ وار رعایت دینی ہوگی جبکہ گھروں کے کرایوں میں ہرصورت رعایت دینی ہوگی۔

Comments

یہ بھی پڑھیں