The news is by your side.

Advertisement

سندھ حکومت کو ہوش آگیا ، محرم کا آغاز ہوتے ہی سڑکوں کی صفائی شروع

کراچی : محرم کاآغاز ہوتے ہی سندھ حکومت نےسڑکوں کی صفائی شروع کردی اور سیوریج نظام کی بہتری،صفائی اور اسٹریٹ لائٹس صحیح کرنے کی ہدایت بھی کی۔

تفصیلات کے مطابق سندھ حکومت نے محرم الحرام کا آغاز ہوتے ہیں سڑکوں کی صفائی ، سیوریج نظام کی بہتری ، کچڑے کی صفائی اور اسٹریٹ لائٹس صیح کرنے کے احکامات جاری کردیے۔

محکمہ بلدیات سندھ نے ایم ڈی سندھ سالڈ ویسٹ بورڈ ، ایم ڈی واٹر بورڈ ، کراچی سمیت تمام اضلاع کے میونسپل کمشنرز ، ایم ڈی واسا کو محرم الحرام کے حوالے سے اہم ہدایات جاری کی۔

محکمہ بلدیات سندھ نے کہا جلوس کی گزر گاہوں پر اگر سڑک توٹ پھوٹ کا شکار ہے تو جلد از جلد اسکی تعمیر اور اسٹریٹ لائٹس کا انتظام کیا جائے اور جلوس کی گزر گاہوں پر موجود کچڑے کی صفائی کا عمل فوری کیا جائے۔

ان کا کہنا تھا کہ جلوس کے راستوں پر بارش کے باعث گرنے والے بجلی کے تاروں ، کیبلز کی فوری مرمت کی جائے، اس حوالے سے کے الیکٹرک ، حیسکو ، سیپکو اور سول انتظامیہ کی مدد لی جائے۔

محکمہ بلدیات سندھ کے مطابق جلوس کی گزرگاہوں پر صفائی کا نظام بہتر بنایا جائے ، کھلے مین ہولز کو فوری بند کیا جائے اور حساس جگہوں پر فائر ٹینڈرز اور واٹر برائوذرز کا انتظام رکھا جائے۔

لوکل کائونسلز ، واٹر بورڈ اور واسا اپنے کنٹرول رومز کے ذریعے روزانہ کی بنیاد پر محکمہ بلدیات سے رابطے میں رہیں، یوم عاشور تک کوئی بھی عملہ اپنے متعلقہ ڈسٹرکٹ کی اجازت کے بغیر چھٹیوں پر نہیں جاسکے گا۔

محکمہ بلدیات سندھ کا کہنا ہے کہ جلوس کی گزر گاہوں پر سیوریج کے نظام کی بہتری کے لیے واٹر بورڈ اور واسا چوبیس گھنٹے اپنی ٹیمیں تیار رکھیں گے۔

Comments

یہ بھی پڑھیں