The news is by your side.

Advertisement

سندھ حکومت نے پبلک ٹرانسپورٹ سڑکوں پر لانے کے لیے حامی بھرلی

کراچی : سندھ حکومت نےپبلک ٹرانسپورٹ سڑکوں پر لانے کے لیے حامی بھرلی اور کہا ٹرانسپورٹ صرف مقررہ ٹرمینل سے چلے گی، جس پر عدالت نے ٹرانسپورٹرز کو حکومت سندھ کی رپورٹ پر غور کرنے کی ہدایت کردی۔

تفصیلات کے مطابق سندھ ہائی کورٹ میں ٹرانسپورٹ سےمتعلق سماعت ہوئی ، سماعت میں سندھ حکومت نےپبلک ٹرانسپورٹ سڑکوں پر لانے کے لیے حامی بھرلی۔

سیکریٹری ٹرانسپورٹ اینڈ ماس ٹرانزٹ نے جواب سندھ ہائی کورٹ میں جمع کرادیا، رپورٹ میں کہا گیا کہ ٹرانسپورٹ صرف مقررہ ٹرمینل سے چلے گی، سہراب گوٹھ، کے ایم سی ٹرمینل اورکورنگی قومی شاہراہ کی بسیں چلائی جائیں گی، کےایم سی ٹرمینل میں یوسف گوٹھ سمیت اندرون سندھ کےٹرمینل شامل ہیں۔

رپورٹ کے مطابق سندھ حکومت کےمطابق ایس او پی کو حتمی شکل دے دی گئی ہے، پبلک ٹرانسپورٹ ضروری ہےمگر جانوں کوبھی محفوظ بنانا ہے، پبلک ٹرانسپورٹ پر پابندی عوامی مفاد میں لگائی گئی تھی۔

سندھ ہائی کورٹ نے ٹرانسپورٹرز کو حکومت سندھ کی رپورٹ پر غور کرنے کی ہدایت کرتے ہوئے سماعت 15 جون تک ملتوی کردی۔

یاد رہے ٹرانسپورٹ اتحاد نے یکم جون کو گاڑیاں سڑکوں پر لانے کا پروگرام مؤخر کردیا تھا، ئرمین کراچی ٹرانسپورٹ اتحاد ارشاد بخاری کا کہنا تھا  کہ ملک بھر میں ٹرانسپورٹ چل رہی ہے اور ہمارے ڈرائیورز فاقوں کا شکار ہیں۔

fb-share-icon0
Tweet 20

Comments

comments

یہ بھی پڑھیں