The news is by your side.

سندھ حکومت، ٹیک ویلی اور گوگل کے مابین اہم معاہدہ پر دستخط

کراچی: سندھ حکومت، ٹیک ویلی اور گوگل کے مابین طلبا کو کورسز کروانے پر اہم معاہدہ طے پاگیا ہے۔

میڈیا رپورٹ کے مطابق معاہدے پر سندھ حکومت کی جانب سے سیکریٹری آئی ٹی اور سیکریٹری اسکول ایجوکیشن نے پر دستخط کئے جبکہ گوگل اورٹیک ویلی کی جانب سے عمرفاروق نے دستخط کیے۔

معاہدے کے تحت گوگل اور ٹیک ویلی سندھ میں اسکول طلبہ کو کمپیوٹر سائنس کے کورسز کروائیں گے، پہلے مرحلے میں سندھ کے 5 اسکولز میں 250 طلبا اور سو اساتذہ کو تربیت دی جائیگی۔

گوگل کے تحت صوبے میں مزید اسکولوں میں ڈیجیٹل کورسز کروائے جائیں گے۔

چیف سیکریٹری سندھ نے کہا کہ صوبے میں انفارمیشن ٹیکنالوجی کو فروغ دیں گے، گوگل اور دیگر عالمی اداروں کے ساتھ مل کر اسکول ڈویلپمنٹ پر کام کریں گے اور سندھ میں انفارمیشن ٹیکنالوجی پر بوٹ کیمپ، سافٹ کورسز، اسکول ڈویلپمنٹ اور ورکشاپ کا انعقاد کیا جائے گا۔

چیف سیکریٹری سندھ ڈاکٹر محمد سہیل راجپوت نے کہا کہ گوگل کے ساتھ مل کر ٹیکنالوجی کے استعمال سے فلڈ مانیٹرنگ پر بھی کام کریں گے۔

Comments

یہ بھی پڑھیں