The news is by your side.

Advertisement

سندھ حکومت 14 لاکھ ٹن گندم خریدےگی، وزیر خوراک سندھ

کراچی: وزیرخوراک سندھ ہری رام کا کہنا ہے کہ سندھ حکومت 14 لاکھ ٹن گندم خریدےگی، گندم کی خریداری کا عمل میرپور خاص ڈویژن سے شروع کیا ہے۔

تفصیلات کے مطابق وزیر خوراک سندھ ہری رام کا کہنا ہے کہ سندھ حکومت نےگندم کی خریداری شروع کر دی،سندھ حکومت 14 لاکھ ٹن گندم خریدےگی۔

صوبائی وزیر خوراک کا کہنا تھا کہ گندم کی خریداری کے لیے محکمہ خزانہ سندھ نے رقم جاری کر دی، سندھ حکومت کاشت کاروں سے فی ٹن 1400 روپےگندم خرید رہی ہے۔

ہری رام نے کہا کہ گندم خریداری کے لیے کاشت کاروں کا باردانہ دیا جا رہا ہے،گندم کی خریداری کاعمل میرپورخاص ڈویژن سے شروع کیا ہے،سندھ کوگندم اور آٹے بحران سے پاک کرنے کے لیے عمل شروع کیا گیا ہے۔

یاد رہے کہ گزشتہ ہفتے وزیر زراعت سندھ اسماعیل راہو کا کہنا تھا کہ صوبے میں گندم کے ذخائر موجود ہیں، آٹے کا کوئی بحران نہیں ہے، صوبے میں آٹے کی قلت کسی صورت نہیں ہونے دیں گے۔

صوبائی وزیر زراعت کا مزید کہنا تھا کہ لاک ڈاؤن کی صورت حال کا ذخیرہ اندوزوں اور دکانداروں کو ناجائز فائدہ اٹھانے نہیں دیا جائے گا،مہنگا آٹا فروخت کرنے والوں کے خلاف سخت کارروائی ہوگی۔

fb-share-icon0
Tweet 20

Comments

comments

یہ بھی پڑھیں