The news is by your side.

Advertisement

لاک ڈاؤن: سندھ حکومت کا صنعتی مزدوروں کے لیے بڑا فیصلہ

کراچی: سندھ حکومت نے لاک ڈاؤن سے متاثر ہونے والے صنعتی مزدوروں کے لیے بڑا فیصلہ کرلیا۔

تفصلات کے مطابق سندھ میں کروناوائرس کے پیش نظر لاک ڈاؤن ہے جس سے صنعتی مزدوروں سمیت دیہاڑی کمانے والے افراد شدید متاثر ہورہے ہیں، اسی ضمن میں صوبائی حکومت نے بڑا فیصلہ کرلیا ہے۔

سندھ حکومت نے صنعتی مزدوروں کی تنخواہوں کے تحفظ کا حکم نامہ جاری کردیا۔

حکم نامے میں کہا گیا ہے کہ کوئی صنعتی ادارہ کسی مزدور کو بے روزگار نہیں کرسکے گا، ہر صنعتی اور تجارتی مزدور کو مکمل تنخواہ دی جائے گی، لاک ڈاؤن کے عرصے کے دوران مزدور کی اجرت سے کٹوتی نہیں کی جاسکے گی۔

کورونا وائرس کے پیش نظر عوام کیلیے ریلیف پیکیج تیار

محکمہ داخلہ سندھ نے نوٹیفکیشن جاری کردیا۔

ادھر وفاقی حکومت نے کروناوائرس کے پیش نظر عوام کے لیے ریلیف پیکج تیار کر لیا گیا ہے۔ 70لاکھ ڈیلی ویجز ملازمین کو 3 ہزار روپے ماہانہ دیے جائیں گے جب کہ وزیراعظم نے بڑے معاشی ریلیف پیکج کی منظوری دے دی ہے، ایکسپورٹرز کے لیے بھی 200 ارب روپےکا ریلیف پیکج منظور کیا گیا ہے۔

وزیراعظم کل تعمیراتی انڈسٹری کے لیے بھی ریلیف پیکج کا اعلان کریں جس میں تعمیراتی انڈسٹری کے لئے بڑا ٹیکس ریلیف دیا جائے گا۔ ملک بھر میں کروناوائرس سے نٹمنے کے لیے سخت اقدامات اٹھائے جارہے ہیں۔

fb-share-icon0
Tweet 20

Comments

comments

یہ بھی پڑھیں