The news is by your side.

Advertisement

حلیم عادل شیخ کے کمرے سے سانپ برآمد: وزیراعظم کو تمام حالات اور واقعات سے آگاہ کر دیا گیا

کراچی : گورنر سندھ عمران اسماعیل نے حلیم عادل شیخ کے کمرے سے سانپ برآمدہونے کے واقعے کی سختی سے مذمت کرتے ہوئے کہا ہے کہ وزیر اعظم پاکستان کو تمام حالات اور واقعات سے آگاہ کر دیا گیا ہے۔

تفصیلات کے مطابق گورنر سندھ عمران اسماعیل نے اپوزیشن لیڈر حلیم عادل شیخ کے کمرے سے سانپ برآمدہونے پر اظہارتشویش کرتے ہوئے کہا اس واقعےکی سختی سے مذمت کرتا ہوں، سندھ حکومت کا اپوزیشن کیخلاف رویہ بدترین مثال ہے۔

عمران اسماعیل کا کہنا تھا کہ سندھ پولیس صوبائی حکومت کی آلہ کار بنی ہوئی ہے ، آئی جی سندھ بنیادی فرائض ترک کر کے سیا سی مہرا بن گئے ہیں ، وزیر اعظم پاکستان کو تمام حالات اور واقعات سے آگاہ کر دیا گیا۔

یاد رہے ترجمان محمد علی بلوچ نے بیان میں کہا تھا کہ قائدحزب اختلاف حلیم عادل شیخ کے کمرے میں سانپ نکل آیا، ناشتہ دینے کے لئے جانے والے ملازم نے سانپ دیکھ کر اطلاع دی تاہم بعد میں کمرے میں موجودسانپ کو مار دیا گیا۔

بعد ازاں ایڈیشنل آئی جی کراچی غلام نبی میمن نے حلیم عادل شیخ کے کمرے سے زہریلے سانپ کے نکلنے کے معاملے کا نوٹس لیتے ہوئے تحقیقات کا حکم دیا تھا۔

Comments

یہ بھی پڑھیں