site
stats
سندھ

سندھ حکومت کے اجلاسوں میں اسمارٹ فونز لانے پر پابندی

کراچی: سندھ حکومت نے اعلیٰ سطح کے اجلاسوں میں اسمارٹ فونز لانے پر پابندی عائد کردی، وزرا، مشیران و افسران کو فون باہر رکھ کر اجلاسوں میں شرکت کرنا ہوگی۔

اطلاعات کے مطابق سندھ حکومت نے سیکیورٹی خدشات کے پیش نظر اعلیٰ سطح کے سرکاری اجلاسوں میں اسمارٹ فونز لانے پر پابندی عائدکردی ہے۔

ذرائع کےمطابق ایپکس کمیٹی و دیگر اہم اجلاسوں میں شرکت کرنے والے وزرا و افسران کو اجلاس میں اسمارٹ فون نہ لانےکی ہدایت کردی گئی ہے۔

اطلاعات ہیں کہ پابندی کا مقصد سائبر سیکیورٹی خدشات پر قابو پانا ہے، دوران اجلاس ایسی گفتگو بھی ہوتی ہے جس کی آڈیو یا ویڈیو منظر عام پر آنا سندھ حکومت کے لیے نقصان دہ ثابت ہوتا ہے۔

پابندی کے فیصلے کے بعد اب سندھ کابینہ کے اراکین، مشیران، معاون خصوصی، بیوروکریٹس، رینجرز، پولیس، انٹیلی جنس اداروں سمیت دیگر خفیہ اداروں سمیت دیگر سرکاری اداروں کے افسران اجلاسوں میں اپنا اسمارٹ فون اجلاس کے ہال سے باہر جمع کراکے شرکت کرنے پر مجبور ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top