The news is by your side.

Advertisement

ہاؤسنگ اسکیمز اور سوسائٹیز سے متعلق بڑا فیصلہ

کراچی : سندھ حکومت نے ہاؤسنگ اسکیمز اور سوسائٹیز کے متعلق بڑا فیصلہ کرتے ہوئے سندھ بھر میں تعمیرات سے قبل گرین بیلٹ کے لئے مختص زمین لازمی قرار دے دی۔

تفصیلات کے مطابق وزیر ماحولیات سندھ اسماعیل راہو کی صدارت میں اہم اجلاس ہوا,جس میں ڈی جی سیپا نعیم مغل اور دیگر افسران شریک ہوئے۔

اجلاس میں گرمی میں اضافہ کے پیش نظر درخت نہ لگانے والی نئی ہاؤسنگ اسکیمز اور سوسائٹیز کو ماحولیاتی این او سی نہ دینے کا فیصلہ کرلیا۔

اسماعیل راہو نے کہا کہ کراچی سمیت سندھ بھر میں درخت لگانے والی نئی ہاؤسنگ اسکیمزکوہی ماحولیاتی این او سی دی جائے گی۔

وزیر ماحولیات سندھ نے ڈی جی سیپا نعیم احمد مغل کو ہدایت دی کہ گرمی میں اضافے کے پیش نظر صوبے میں ہاؤسنگ اسکیمز کے لئے درخت لگانے کی نئی پالیسز بنائی جائے، نئی ہاؤسنگ اسکیمز کوتعمیرات شروع کرنے سے پہلے گرین بیلٹ کے لئے زمین مختص کرنی ہوگی۔.

ان کا کہنا تھا کہ کراچی سمیت سندھ بھر کی ہاؤسنگ اسکیمز اور شاہراہوں پر متعلقہ اداروں سے ملکردرخت لگانے کی مہم شروع کی جائے جبکہ درخت کاٹنے والی مافیاز کےخلاف کارروائی کا فیصلہ کیا گیا ہے۔

اسماعیل راہو نے مزید کہا کہ موسمیاتی تبدیلی کی وجہ سے دنیا بھر میں گرمی کی شدت میں اضافہ ہوتا جارہا ہے۔

Comments

یہ بھی پڑھیں