The news is by your side.

Advertisement

سندھ حکومت کا بارش سے متاثرہ افراد کیلئے بڑا اعلان

کراچی : سندھ حکومت نے بارش سے متاثرہ افراد کی مالی معاونت کا فیصلہ کرلیا اور ڈپٹی کمشنرز کو7 روز میں نقصانات پر رپورٹ جمع کرانے کی ہدایت کردی۔

تفصیلات کے مطابق سندھ حکومت نے بارش سے متاثرہ افراد کی مالی معاونت کا فیصلہ کرتے ہوئے کراچی سمیت متاثرہ اضلاع کے ڈپٹی کمشنر کو نقصانات کاتخمینہ لگانے کی ہدایت کردی ہے۔

سندھ حکومت نے متعلقہ ڈپٹی کمشنرز سے بارش سے نقصانات کی تفصیلی رپورٹ طلب کرتے ہوئے ڈپٹی کمشنرز کو 7روز میں نقصانات پر رپورٹ محکمہ ریلیف میں جمع کرانے کی ہدایت کی۔

بارش کے دوران مکانات، کاروبار، فصلوں ،گھریلو آلات کو بڑے پیمانے پر نقصان پہنچا ہے۔

دوسری جانب وزیر بلدیات، ناصر حسین شاہ نے کہا ہے کہ کراچی کا انفرا اسٹرکچر ازسرنو بحال کیا جائے گا، بارشوں سے ہونے والی تباہی کا ازالہ کیا جائےگا، حکومت سندھ تمام متاثرہ افراد کے ساتھ ہے۔

،وزیر بلدیات سندھ کا کہنا تھا کہ وفاق کوقدرتی آفات میں صوبائی حکومتوں کی مددکرنی چاہیے، اپوزیشن کوسیاست برائے سیاست سے پرہیز کرنا چاہیے۔

ناصرحسین شاہ نے مزید کہا کہ صوبے کے لیےترقیاتی اسکیموں کا اعلان کیا جائے گا، وزیر اعلی سندھ نے آفت زدہ علاقوں کی بحالی کا اعلان کیا ہے، نقصان و تباہی کا تخمینہ لگایا جارہا ہے۔

Comments

یہ بھی پڑھیں