تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا وائرس: سندھ حکومت کا لاک ڈاؤن کا فیصلہ، فوج سے مدد طلب

کراچی: سندھ حکومت نے کرونا کا پھیلاؤ روکنے کے لیے لاک ڈاؤن کا فیصلہ کر لیا، لاک ڈاؤن کا فیصلہ اعلیٰ سطح اجلاس میں کیا گیااور وائرس سے بچاؤ کے لیے فوج سے مدد طلب کرلی گئی۔

تفصیلات کے مطابق کرونا وائرس کے پھیلاؤ کے ممکنہ اثرات کو روکنے کے لیے سندھ حکومت نے عوام کی نقل وحرکت روکنے کے لیے لاک ڈاؤن کا فیصلہ کر لیا، سندھ حکومت نے وفاقی وزیر داخلہ کو خط لکھا ہے جس میں فوج سے مدد طلب کی گئی ہے۔

خط کے متن کے مطابق  آرٹیکل 245 کے تحت فوج کو سول انتظامیہ کی مدد کہا جائے۔

ذرائع کے مطابق وزیراعلیٰ سندھ مراد علی شاہ نے سول وعسکری قیادت کو اعتماد میں لے لیا، صوبےمیں لاک ڈاؤن کرنے کا اعلان کل کیا جائے گا، لاک ڈاؤن کا فیصلہ اعلیٰ سطح اجلاس میں کیا گیا۔

دوسری جانب وزیر اطلاعات سندھ ناصر حسین شاہ نے اے آروائی نیوز سے گفتگو کرتے ہوئے کہا کہ لاک ڈاؤن کوئی خواہش یاخوشی نہیں، حالات کی سنگینی دیکھتے ہوئے مشکل فیصلے کر رہے ہیں، لاک ڈاؤن کے لیے ابھی مشاورت ہوئی ہے۔

ناصر حسین شاہ کا کہنا تھا کہ کل دوبارہ فائنل میٹنگ میں لاک ڈاؤن کا فیصلہ ہوگا، آج میٹنگ میں لاک ڈاؤن کی تجویز آئی تھی، اسٹریٹیجی بنائی جائےگی اس کے مطابق کام کیا جائےگا۔

وزیر اطلاعات سندھ کا کہنا تھا کہ لاک ڈاؤن سے متعلق کل صبح میٹنگ میں اسٹریٹجی پیش کی جائے گی، میٹنگ میں جائزہ لیا جائے گا کہ کس قسم کا لاک ڈاؤن بہتر رہےگا۔

واضح رہے کہ پاکستان میں کرونا وائرس کے کیسز کی تعداد 720 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

Comments

- Advertisement -