The news is by your side.

Advertisement

سندھ حکومت نے کورونا کے بڑھتے کیسز کے باعث بڑا فیصلہ

کراچی : سندھ حکومت نے تمام محکموں میں احتیاطی تدابیرکی گائیڈلائنز کے حکمنامے پرعمل کی ہدایت کردی، جس کے بعد اسٹاف کوہفتہ وارروٹیشن کے تحت دفاتر بلانے کے احکامات جاری کردیئے۔

تفصیلات کے مطابق سندھ حکومت نے کوروناکےبڑھتےکیسزکےباعث بڑافیصلہ کرتے ہوئے تمام محکموں میں احتیاطی تدابیرکی گائیڈلائنز کے حکمنامے پرعمل کی ہدایت کردی۔

سندھ کے تمام محکموں میں دفاترمیں 50فیصداسٹاف کم کرنے کی ہدایت کرتے ہوئے کہا آدھااسٹاف گھر پر رکھ کر روٹیشن کے تحت بلایا جائے۔

چیف سیکریٹری سندھ کامحکموں میں کوروناکےاحکامات پرفوری عملدرآمدکاحکم دیتے اسٹاف کوہفتہ وارروٹیشن کےتحت دفاتربلانےکےاحکامات جاری کئے اور دفاتر آنے والے ملازمین کو ماسک لازمی طورپرپہننے کا حکم دیا۔

دوسری جانب کروناوائرس کی دوسری لہر کے پیش نظر کے ایم سی کےدفاتر میں 50فیصد اسٹاف کم کردیا گیا، عملے کو ایک ایک دن کے وقفے سے بلایاجائےگا۔

اعلامیے میں کہا گیا ہے کہ کے ایم سی ملازمین ایک روز چھٹی اور ایک روز ڈیوٹی کریں گے،ایڈمنسٹریٹر کراچی نے محکمہ داخلہ کی سفارش پر کے ایم سی افسران، ملازمین کوگھروں سے آن لائن کام کے احکامات جاری کئے۔

Comments

یہ بھی پڑھیں