The news is by your side.

Advertisement

وزیراعلیٰ سندھ نے 3 ارب کا کرونا ریلیف فنڈ قائم کردیا، مرتضیٰ وہاب

کراچی: ترجمان سندھ حکومت مرتضیٰ وہاب کا کہنا ہے کہ وزیراعلیٰ سندھ مراد علی شاہ نے3 ارب روپے کا کرونا ریلیف فنڈ قائم کردیا ہے۔

تفصیلات کے مطابق ترجمان سندھ حکومت مرتضیٰ وہاب کا کہنا ہے کہ وزیراعلیٰ سندھ نے 3 ارب روپے کا کرونا ریلیف فنڈ قائم کردیا ہے، کابینہ ارکان، پی پی ایم پی ایز ایک ماہ کی تنخواہ جمع کرائیں گے۔

مرتضیٰ وہاب کا کہنا ہے کہ فیصلہ وزیراعلیٰ سندھ مراد علی شاہ کی زیر صدارت اجلاس میں کیا گیا۔

واضح رہے کہ سندھ حکومت نے کرونا وائرس کا پھیلاؤ روکنے کے لیے کراچی سمیت صوبے بھر میں 15 دن کے لیے ریسٹورنٹس اور شاپنگ مالز بند کرنے کا فیصلہ کیا ہے۔

مزید پڑھیں: سندھ حکومت کا 15 دن کیلئے ریسٹورنٹ اور شاپنگ مالز بند کرنے کا فیصلہ

وزیراعلیٰ سندھ کا کہنا تھا کہ پبلک پارکس اور سی ویو بھی کل سے بند رہیں گے جب کہ کراچی سمیت سندھ بھر میں سرکاری دفاتر پرسوں سے بند ہوں گے۔

مراد علی شاہ کا کہنا تھا کہ کریانہ اسٹور، سبزی اور مرغی کی مارکیٹیں کھلی رہیں گی، گروسری شاپس بھی 24 گھنٹےکھلی رہ سکتی ہیں۔

وزیراعلیٰ کا کہنا تھا کہ صوبے بھر میں انٹر اسٹی بسوں کو پرسوں سے بند کردیا جائے گا، کرونا سے بچاؤ کیلئے لوگوں کو گھروں میں محدود رکھنا چاہتا ہوں۔

یاد رہے کہ ملک میں کرونا وائرس کے مریضوں کی تعداد 212 ہوگئی ہے، ترجمان سندھ حکومت مرتضیٰ وہاب کا کہنا تھا کہ صوبے میں کرونا وائرس کے متاثرین کی تعداد 172 ہوگئی ہے۔

fb-share-icon0
Tweet 20

Comments

comments

یہ بھی پڑھیں