The news is by your side.

Advertisement

کورونا کی دوسری لہر : سرکاری دفاتر کیلئے حکمنامہ جاری

کراچی : سندھ حکومت نے کورونا کی دوسری لہر کے پیش نظر سرکاری دفاتر کیلئے حکمنامہ جاری کردیا ، جس میں ہر ڈپارٹمنٹ میں کورونا ایس اوپیز پرعملدرآمد کیلئے فوکل پرسن مقررکرنے کی ہدایت کی ہے۔

کوروناکیسز میں اضافے کی لہر کے پیش نظر سندھ حکومت نے سرکاری دفاتر میں ایس اوپیز پر عمل درآمد کیلئے حکمنامہ جاری کردیا، جس میں سندھ سیکریٹریٹ سمیت تمام سرکاری دفاترمیں ماسک کااستعمال لازمی قراردیا گیا۔

اس حوالے سے سیکریٹری محکمہ جنرل ایڈمنسٹریشن سندھ نے تمام محکموں کو مراسلہ جاری کیا ، جس میں ہر ڈپارٹمنٹ میں کورونا ایس او پیزپرعملدرآمد کیلئے فوکل پرسن مقررکرنے کی ہدایت کی ہے۔

حکمنامے میں ہدایت کی ہے کہ گریڈ18 کے افسران کو ہر محکمے میں فوکل پرسن مقرر کیا جائے جبکہ سندھ سیکریٹریٹ میں سائلین کی آمدورفت بھی محدود کرنے کا حکم دیا۔

خیال رہے پاکستان میں کوروناکی صورتحال تشویشناک ہونے لگی ہے، گزشتہ چوبیس گھنٹے کے دوران کورونا وائرس سے مزید اٹھارہ افراد انتقال کرگئے، جس کے بعد وائرس سے جاں بحق افراد کی کل تعداد چھ ہزار آٹھ سو سڑسٹھ ہوگئی ہے۔

چوبیس گھنٹے کے دوران کورونا کے مزید ایک ہزار تین سو تیرہ کیسز سامنے آئے ہیں جبکہ ملک کے مختلف اسپتالوں میں چودہ ہزار چھ سو چھیالیس مریض زیرعلاج ہیں۔

Comments

یہ بھی پڑھیں