The news is by your side.

Advertisement

ڈینئل پرل قتل کیس : سندھ حکومت کےوکیل فاروق نائیک نے التوامانگ لیا

اسلام آباد : ڈینئل پرل قتل کیس میں سندھ حکومت کےوکیل فاروق نائیک نے التوامانگ لیا، جس پر عدالت نے کیس کی سماعت 4 ہفتے کیلئے ملتوی کردی۔

تفصیلات کے مطابق سپریم کورٹ میں جسٹس مشیر عالم کی سربراہی میں تین رکنی بینچ نے ڈینئل پرل قتل کیس کی سماعت کی ، سندھ حکومت کےوکیل فاروق نائیک نے التوامانگ لیا۔

جس پر جسٹس مشیر عالم نے استفسار کیا کیا حکومت سندھ اپنا کیس چلانا نہیں چاہتی، حکومت سندھ کی ذمےداری ہے کہ مقدمہ چلائے، یہ سندھ حکومت کا اپنا دائر کردہ کیس ہے۔

جسٹس قاضی امین نے ریمارکس میں کہا کسی کوشرمندہ کرنا مقصد نہیں، مقدمہ چلنا ضروری ہے تاکہ فیصلہ ہو، سندھ حکومت ہائیکورٹ میں مقدمہ ہارچکی ہے۔

جسٹس مشیرعالم کا کہنا تھا کہ ہم کھلے ذہن سے کیس سننے کے لیے بیٹھےہیں، ،ڈینئل پرل کےورثاکےوکیل نے مؤقف میں کہا اپیل پراسیکیوٹر جنرل سندھ نےدائر کی، اپیل دائر کرنے کے بعد فاروق نائیک کو وکیل کیا گیا۔

عدالت نے کیس کی سماعت فاروق ایچ نائیک کی التواکی تحریری درخواست پر 4 ہفتےکے لیے ملتوی کردی ، ،درخواست میں کہا گیا فاروق نایئک کمر کی تکلیف میں مبتلا ہیں،میڈیکل سرٹیفکیٹ منسلک ہے۔

Comments

یہ بھی پڑھیں