The news is by your side.

Advertisement

کراچی ، معتکفین مساجد میں اعتکاف کرسکیں گے یا نہیں؟ فیصلہ آج ہوگا

کراچی : سندھ حکومت رمضان المبارک کے آخری عشرہ میں لاک ڈاؤن کے باعث معتکفین کے مساجد میں اعتکاف سے متعلق فیصلہ آج کرے گی۔

تفصیلات کے مطابق سندھ حکومت کی جانب سے رمضان المبارک کےآخری عشرہ میں اعتکاف کرنے کا فیصلہ آج ہوگا، مساجد انتظامیہ کہنا ہے کہ آج مشاورت کے بعد اعتکاف میں بیٹھنے کا حتمی فیصلہ کیا جائے گا،اجازت ملنے پرضلعی انتظامیہ کےایس اوپیزپرعمل درآمد کرتے ہوئے معتکفین اعتکاف کریں گے۔

پنجاب حکومت نے صوبے بھر میں مذہبی جلوس اوراعتکاف پرپابندی عائدکردی ہے ، فیصلہ وفاقی وزارت داخلہ کی ہدایات کی روشنی میں کیا گیا۔

دوسری جانب وفاقی حکومت نے 21 رمضان المبارک کو یوم علی کے جلوسوں پر پابندی اور رمضان المبارک کے آخری ایام میں مذہبی عبادات پر کرونا ایس او پیز کے مطابق ادا کرنے کا احکامات جاری کردیئے اور پنجاب سمیت تمام چیف سیکریٹریز کو سرکاری نوٹیفکیشن بھی جاری کردیا گیا ہے۔

ذرائع کے مطابق جاری ہونے والے نوٹیفکیشن کے مطابق وفاقی حکومت نے چاروں صوبائی حکومتوں کو یوم علی کے جلوس کو کرونا وائرس کے پھیلاو کے خدشے کے پیش نظر پر پابندی عائد کرنے اور رمضان المبارک کے آخری عشرے کی عبادات بیس نکاتی ایجنڈے کے مطابق کروانے کی ہدایات جاری کردی ہیں۔

نوٹیفکیشن کے مطابق تمام صوبائی چیف سیکرٹریز ،آزاد کمشیر اور گلگت بلتسان کے اعلی حکام کو واضع ہدایات کی گئی ہیں کہ رمضان المبارک کے آخری عشرے میں مساجد میں عبادات حکومت اور علما کے درمیان بیس نکاتی ایجنڈے کے مطابق ہونی چاہیں ۔

اسلام آباد میں رمضان کے دوسرے عشرے کا آخری روز فرزندان اسلام آج ایس او پیز کے تحت مساجد میں اعتکاف میں بیٹھیں گے جبکہ بچاس سال سے زیادہ عمر کے افر اد اعتکاف میں نہیں بیٹھ سکتے۔

اسلام آباد کی فیصل مسجد میں اعتکاف کرنے والے افراد کاپہلے کورونا ٹیسٹ ہوگا۔ ہر سال فیصل مسجد میں پندرہ سو معتکف اللہ کے مہمان بنتے ہیں، لیکن اس سال صرف پندرہ افراد اعتکاف کرسکیں گے۔۔ ملک کی دیگر مساجد میں بھی اعتکاف کرنے والوں کی تعداد محدود کردی گئی ہے

fb-share-icon0
Tweet 20

Comments

comments

یہ بھی پڑھیں