The news is by your side.

Advertisement

سندھ حکومت کا انفیکشن ڈیزیز اسپتال قائم کرنے کا اعلان

کراچی : سندھ حکومت نے انفیکشن ڈیزیزاسپتال قائم کرنے کا اعلان کردیا ، انفیکشن ڈیزیز اسپتال جلد کراچی میں فعال ہوجائے گا ، جس میں کورونا سے نمٹنے کے اقدامات کئے جائیں گے۔

تفصیلات کے سندھ حکومت کے کورونا سے بچاؤ کے لیے اقدامات کا سلسلہ جاری ہے، سندھ حکومت کے ترجمان بیرسٹرمرتضیٰ وہاب نے انفیکشن ڈیزیز اسپتال قائم کرنے کا اعلان کردیا اور کہا 400 بستروں کاانفیکشن ڈیزیزاسپتال کراچی میں جلد فعال ہوگا، یہ پاکستان میں اپنی نوعیت کاپہلاانفیکشن ڈیزیز ادارہ ہوگا، انفیکشن ڈیزیزاسپتال میں کورونا سےنمٹنے کے اقدامات کئے جائیں گے۔

بیرسٹرمرتضیٰ وہاب کا کہنا تھا کہ سندھ حکومت بلاتفریق انسانیت کی خدمت پریقین رکھتی ہے، وباسےنمٹنےکےلئےسندھ حکومت کئی اقدامات کر رہی  ہے، سیاسی مخالفین نے سندھ حکومت کےخلاف پروپیگنڈامہم شروع کررکھی ہے، تاثردیا جارہا ہے، سندھ کےاسپتالوں کی حالت خراب ہے۔

انھوں نے مزید کہا کہ پروپیگنڈاسےنہیں گھبرائیں گے،عوامی خدمت کےمنصوبےبڑھارہےہیں، ناقدین جان لیں سندھ میں کڈنی،لیورکورنیاکاٹرانسپلانٹ مفت ہوتاہے، سندھ واحد  صوبہ ہےجس نے کارڈیک کیئر سہولت میں مثال قائم کی، ہمارے ناقدین اچھے اقدامات کا ذکر کرنے سے گھبراتے ہیں۔

ترجمان کا کہنا تھا کہ جناح اسپتال میں سائبرنائف کےذریعےکینسرکاعلاج مفت ہوتاہے، صحت عامہ کے اداروں پر اخراجات سندھ حکومت کرتی ہے، سندھ حکومت کے اخراجات سے الحمدللہ مستفید پورا پاکستان ہوتا ہے۔

مرتضیٰ وہاب نے کہا کہ مخالفین تعریف نہیں کرسکتےتوقومی ایمرجنسی کے وقت تنقید سے گریز کریں، آئیے ہمارا ہاتھ تھامیے تاکہ بلاتفریق انسانی خدمت پر سب چل سکیں، مشکل  وقت میں عوام کوکورونا سے بچانے میں اپنا کردار ادا کرسکیں۔

Comments

یہ بھی پڑھیں