The news is by your side.

Advertisement

کورونا ویکسین کیلئے ڈیجیٹل میکنزم تیار، پہلے اور دوسرے ڈوز میں کتنا وقفہ دیا جائےگا؟

کراچی : کورونا ویکسین کیلئے ڈیجیٹل میکنزم تیارکرلیا گیا ، ڈیجیٹل میکینزیم کےتحت صرف رجسٹرڈافراد کو ہی ویکسین دی جائے گی جبکہ ویکسی نیٹراور ویکسین لگوانے والے کا ڈیٹا نادرا کے ڈیٹا بیس میں مرتب ہوگا۔

تفصیلات کے مطابق محکمہ صحت سندھ اورنادرا نے کورونا ویکسین کیلئے ڈیجیٹل میکنزم تیارکرلیا ہے، محکمہ صحت کا کہنا ہے کہ ڈیجیٹل میکینزیم کے تحت صرف رجسٹرڈ افراد کو ہی ویکسین دی جائے گی ، ویکسی نیٹرکا ڈیٹا درست نہ ہوا تو کارروائی بھی ہوسکتی ہے۔

محکمہ صحت سندھ نے کہا ہے کہ ویکسی نیٹراورویکسین لگوانے والے کا ڈیٹا نادرا کے ڈیٹا بیس میں مرتب ہوگا، نادرا نے ہرویکسی نیٹر کیلئے الگ الگ لوگن اور پاس ورڈ تیار کیا ہے، ویکسین کے پہلے اور دوسرے ڈوز میں21 دن کا وقفہ دیا جائے گا۔

یاد رہے سندھ حکومت نے کورونا ویکسین کا آرڈر دے دیا ، ذرائع محکمہ صحت سندھ کا کہنا تھا کہ یکم فروری کوویکسین کراچی پہنچےگی اور سندھ میں فروری کے پہلے ہفتے میں ہیلتھ کیئرورکرز کوویکسین لگنا شروع ہوجائے گی۔

Comments

یہ بھی پڑھیں