The news is by your side.

Advertisement

کورونا وائرس : محکمہ صحت سندھ کے ناقص انتظامات کی پول کھل گئی

کراچی : محکمہ صحت سندھ کی سنگین غفلت کے باعث بیرون ملک سے آنے والے مسافروں میں کورونا کیسز کی تعداد میں مسلسل اضافہ ہورہا ہے، مسافروں کو قرنطینہ نہ کرنے سے وبا پھیلنے کا خدشہ بڑھ گیا۔

تفصیلات کے مطابق محکمہ صحت سندھ کی جانب سے کورونا وائرس کی روک تھام کیلئے کیے جانے والے ناقص اقدامات کے حوالے سے سنگین غفلت سامنے آئی ہے۔

کراچی ایئر پورٹ پر کورونا مثبت مریضوں کیلیے ناقص انتظامات کی پول کھل گئی، بیرون ملک سے آنے والے مسافروں میں کورونا کیسز کی تعداد میں مسلسل اضافہ دیکھنے میں آرہا ہے۔

جناح انٹر نیشنل ایئرپورٹ پر بیرون ملک سے آنے والے مسافروں کی مکمل جانچ پڑتال کا عمل جاری ہونے کے باوجود تین مسافر کرونا وائرس سے متاثر نکلے۔

اس حوالے سے ذرائع کا کہنا ہے کہ سعودی ائیر لائن کی پر واز ایس وی 700سے 266 مسافر جدہ سے کراچی پہنچے تھے، مسافروں کے ریپڈ ٹیسٹ کے دوران تین مسافر کورونا متاثرہ نکلے۔

محکمہ صحت سندھ کی جانب سے تینوں مسافروں کو قرنطینہ نہیں کیا گیا جس کے سبب وائرس پھیلنے کا خدشہ پیدا ہوگیا، تینوں مسافر صبح سے ائیر پورٹ پر موجود ہیں انہں کھانا بھی فراہم نہیں کیا گیا۔

کورونا متاثرہ تینوں مسافروں نے ائیر پورٹ پر احتجاج بھی کیا، ذرائع کے مطابق کورونا سے متاثرہ افراد کیلیے قرنطینہ کیلئے مناسب انتظام نہیں ہے، انہیں اسپتال تک منتقل نہیں کیا جارہا۔

Comments

یہ بھی پڑھیں