The news is by your side.

Advertisement

محکمہ صحت سندھ کے دفاتر میں شہریوں کے داخلے پر پابندی عائد

کراچی: کرونا وائرس کے پھیلاؤ کے خطرے کے پیش نظر محکمہ صحت سندھ نے دفاتر میں شہریوں کے داخلے پر پابندی عائد کردی۔

تفصیلات کے مطابق کروناوائرس سے بچاؤ کے حفاظتی انتظامات کرتے ہوئے محکمہ صحت سندھ نے دفاتر میں شہریوں کے داخلے پر پابندی عائد کردی اور کہا سندھ سیکریٹریٹ میں محکمہ صحت کے دفاتر میں عملے کے سوا دیگر افراد کا داخلہ بند ہیں۔

یاد رہے وزیرصحت عذرا پیچوہو نے شہریوں کو زیادہ رش والی جگہوں پر جانے سےگریز کرنے کا مشورہ دیتے ہوئے کہا تھا کہ اسکول بند کرنےاور پی ایس ایل میچز پر کوئی فیصلہ نہیں کیا، حتمی فیصلہ وزیراعلیٰ سندھ کی ٹاسک فورس آج شام تک کرےگی۔

عذرا پیچوہو کا کہنا تھا کہ مقامی سطح پرکوئی بھی کروناکاکیس رپورٹ نہیں ہوا ، سندھ میں تمام کیسز باہرسے آنیوالےمسافروں کےہیں، امید ہے کہ گرمیوں میں کروناوائرس کا زور ٹوٹ جائے گا۔

مزید پڑھیں: کرونا وائرس سے بچاؤ، وزیرصحت سندھ کا شہریوں کو مشورہ

اس سے قبل وزیرصحت عذرا پیچوہو کی زیرصدارت اجلاس میں تعلیمی اداروں کو طویل عرصے تک بند رکھنے اور بڑے عوامی اجتماعات پرپابند ی لگانےکی تجویز دی گئی تھی۔

جلاس میں فیصلہ کیا گیا کہ تمام نجی و سرکاری اسپتالوں میں فرنٹ لائن ڈیسک بھی بنائی جائے گی جو کرونا وائرس سے متعلق معلومات فراہم کرے گی جبکہ کرونا وائرس کےتصدیق شدہ مریضوں کو گڈاپ میں قائم اسپتال میں طبی سہولتیں فراہم کی جائیں گی۔

fb-share-icon0
Tweet 20

Comments

comments

یہ بھی پڑھیں