site
stats
پاکستان

آئی جی سندھ کیخلاف توہین عدالت کیس ، سماعت 22دسمبرتک ملتوی

کراچی : آئی جی سندھ پر سندھ ہائی کورٹ کے احاطے میں صحافیوں پر تشدد اور توہین عدالت کیس میں فرد جرم کی لٹکتی تلوار 22 دسمبر ٹل گئی ہے، دوران سماعت آئی جی سندھ حلفیہ معافی نامہ بھی جمع کرادیا.

سندھ ہائی کورٹ نے آئی جی سندھ اور دیگر 14 افسران کے خلاف توہین عدالت کیس کی سماعت 22 دسمبر تک ملتوی کر دی، سندھ ہائی کورٹ میں آئی جی سندھ اور دیگر پولیس افسران کے خلاف توہین عدالت کی سماعت جسٹس احمد علی شیخ اور جسٹس فاروق شاہ پر مشتمل نئی بینچ میں ہوئی، آئی جی سندھ غلام حیدر جمالی بھی عدالت میں موجود تھےِ۔

کیس کی سماعت شروع ہوئی تو جسٹس احمد علی شیخ نے اسسٹنٹ ایڈوکیٹ جنرل سندھ سے سوال کیا کہ آپ کیا تیار کر کے لائے ہیں، جس پر اسسٹنٹ ایڈوکیٹ جنرل سندھ نے کہا کہ میں مکمل تیاری کر کے آیا ہوں، جسٹس احمد علی شیخ نے سوال کیا کہ کیا آپ نے توہین عدالت کے مرتکب ہونے والے پولیس افسران کو الزامات کے متعلق آگاہ کردیا ہے.

جواب میں اسسٹنٹ ایڈوکیٹ جنرل سندھ نے کہا کہ ایڈووکیٹ جنرل سندھ اس معاملے میں خود پیروی کرنا چاہتے ہیں اس لئے سماعت ملتوی کی جائے۔ عدالت نے ایڈووکیٹ جنرل سندھ عبد الفتاح ملک کی عدم موجودگی کی وجہ سے سماعت 22 دسمبر تک ملتوی کر دی.

یاد رہے کہ تئیس مئی کو سندھ ہائی کورٹ نے عدالت کے باہرنقاب پوش اہلکاروں کا صحافیوں اور گارڈز پر تشدد کا ازخود نوٹس لیتے ہوئے آئی جی سندھ سمیت دیگر افسران کے خلاف توہین عدالت کی کارروائی شروع کی۔ چھ ماہ کی شنوائی میں افسران نے معافی نامے جمع کرائے لیکن عدالت نے ان کی درخواستیں مسترد کرکے فرد جرم عائد کرنے کا فیصلہ کیا۔

چیف سیکریٹری سندھ نے جواب میں کہا تھا کہ عدالتی حکم پر عمل ہوگا لیکن یہ وقت پولیس افسران کیخلاف کارروائی کیلئے مناسب نہیں، پولیس دہشتگردوں کیخلاف آپریشن میں مصروف ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top