The news is by your side.

Advertisement

مون گارڈن کیس کے حکم امتناع میں تین دسمبر تک توسیع

کراچی : سندھ ہائیکورٹ نے مون آرکیڈ کیس کےحکم امتناع میں تین دسمبرتک توسیع کر دی، عدالت نے ناظر کو مون گارڈن کا سروے کرکے رپورٹ پیش کرنے کا حکم دیا ۔

سندھ ہائی کورٹ میں مون آرکیڈ سے متعلق ریلوے کو آپریٹیو ہاوسنگ سوسائٹی کی سماعت ہوئی، عدالت نے مون آرکیڈ کیس کےحکم امتناع میں تین دسمبرتک توسیع کر دی ۔ عدالت نے ناظر کو حکم دیا کہ وہ عدالت کو سروے کر کے رپورٹ پیش کریں کہ مون آرکیڈ میں کتنے فلیٹ آباد اور خالی ہیں اسی طرح عدالت کو دکانوں میں ہونے والے کاروبار سے متعلق بھی آگاہ کیا جائے.

سماعت کے موقع پر بلڈر عبدالرزاق کے وکیل کے علاوہ مون آرکیڈ کے مکینوں کی بڑی تعداد بھی موجود تھی ۔

گزشتہ روز سپریم کورٹ نے سندھ ہائی کورٹ کے حکم معطل کرتے ہوئے بلڈر عبدالرزاق کو پانچ کروڑ اور بینک گارنٹی جمع کرانے کا حکم دیا تھا ۔

مون گارڈن کے بلڈرعدالت سے باہر آئے تو اسلام آباد پولیس نے انہیں حراست میں لے کر تھانہ سیکریٹریٹ منتقل کیا، عبدالرزاق خاموش نے سندھ ہائیکورٹ میں پیش ہونے کی یقین دہانی کرائی جس پرانہیں کچھ ہی دیربعد چھوڑ دیا گیا.

کراچی کے تھانہ شارع فیصل میں عبدالرزاق خاموش کیخلاف ایک رہائشی کی مدعیت میں جعلسازی اوردھوکہ دہی کی دفعات کے تحت مقدمہ درج کرلیا گیا ہے.

Print Friendly, PDF & Email

Comments

comments

یہ بھی پڑھیں