کراچی : سندھ ہائیکورٹ نے سندھ حکومت سے رکشہ اور ٹیکسیوں میٹر نہ ہونے پر جواب طلب کرلیا ہے۔
تفصیلات کے مطابق کراچی کی سڑکوں پر رکشہ اور ٹیکسی ڈرائیورز کی من مانی جاری ہے۔ ڈرائیور بغیر میٹر کے زیادہ کرایہ وصول کرتے ہیں۔ سندھ ہائیکورٹ نےسندھ حکومت سے جواب طلب کرتے ہوئے پوچھا ہے کہ کراچی میں رکشے اور ٹیکسی میں میٹرز کیوں نہیں ہیں ؟
کراچی میں ٹیکسی اوررکشوں میں میٹرسےمتعلق درخواست کی سماعت ہوئی جس میں درخواست گزار کا کہنا تھا کہ رکشہ ٹیکسی میں میٹر نہ ہونے کی وجہ سے من مانے کرائے وصول کئے جارہے ہیں۔
دوسری جانب رکشہ ڈرائیورز کا کہنا ہے کہ نہ گیس ہے نہ پیٹرول میٹر پر رکشہ کیسے چلاٗئیں؟ْ رکشہ ڈرائیور کاکہنا ہے عوام میٹر کو نہیں مانتے.جبکہ شہریوں کا کہنا ہے کہ میٹر نہ ہونے کی وجہ سے کرایہ زیادہ دینا پڑتا ہے.اب میٹر چلےگا یا من مانی اس کا فیصلہ تو عدالت ہی کرے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں