site
stats
سندھ

عدالت نےمشیرقانون سندھ کوکابینہ اجلاس میں شرکت سےروک دیا

کراچی: سندھ ہائیکورٹ نےمشیرقانون مرتضی وہاب کوکابینہ اجلاس میں شرکت سےروک دیا،مرتضی وہاب کو لاکالجزکےبورڈآف گورنرز کی سربراہی سے ہٹانےکاحکم بھی جاری۔

تفصیلات کےمطابق سندھ ہائی کورٹ میں مشیرقانون وزیراعلیٰ سندھ کے کابینہ اجلاس میں شرکت سے متعلق کیس کی سماعت ہوئی۔

عدالت نے سماعت کے دوران ریماکس دیے کہ مرتضی وہاب مشیرہیں وزیر نہیں۔کابینہ اجلاس میں شرکت کیسے کرتےرہے؟۔

ہائی کورٹ کے دو رکنی بینچ نےفیصلے میں لکھا کہ آئین کی رو سےمشیر کابینہ اجلاس میں شرکت نہیں کرسکتے۔

چیف جسٹس سندھ ہائی کورٹ جسٹس سجاد علی شاہ نےمرتضی وہاب کو لا کالجزکےبورڈ آف گورنرزکی سربراہی سےبھی ہٹادیا۔

یاد رہے کہ گزشتہ سماعت پر درخواست گزارنے عدالت سے استدعا کی تھی وزیراعلی سندھ نے پانچ مشیر رکھے ہوئے جو کابینہ اجلاس میں وزرا کے اختیارات استعال کرتے ہوئے شرکت کررہے ہیں۔

واضح رہے کہ عدالت نے گزشتہ سماعت پر درخواست گزار کو کابینہ اجلاس کی حاضری شیٹ لانے کی ہدایت کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top