The news is by your side.

Advertisement

“سرکاری گاڑیاں واپس کرو”، سابق بلدیاتی افسران کو حکومت سندھ کا خط

کراچی: محکمہ بلدیات سندھ نے سابق بلدیاتی نمائندوں کو ان کے زیر استعمال سرکاری گاڑیاں واپس کرنے کے لئے خط ارسال کردیا ہے۔

اے آر وائی نیوز کے مطابق محکمہ بلدیات سندھ نے سابق کونسلرز، ایڈمنسٹریٹرز اور چیف افسران کو خط ارسال کیا ہے ، جس میں انہیں سرکاری گاڑیاں واپس کرنے کا کہا گیا ہے۔

محکمہ بلدیات سندھ کی جانب سے جاری خط میں کہا گیا کہ سابق بلدیاتی افسران کو اس سے قبل بھی متعدد بار خطوط لکھےگئےلیکن نمائندوں نےگاڑیاں واپس نہیں کیں، مدت پوری ہونے کے بعد سابق بلدیاتی نمائندوں کا سرکاری گاڑیوں کا استعمال غیرقانونی عمل ہے۔

یہ بھی پڑھیں:  محکمہ بلدیات سندھ کا گھوسٹ ملازمین کیخلاف ایکشن

گذشتہ روز محکمہ بلدیات سندھ گھوسٹ ملازمین کے خلاف ایکشن میں آیا تھا، جہاں اس نے 2010 میں بھرتی ہوئے تمام ملازمین کا ریکارڈ طلب کیا تھا۔

ذرائع کا کہنا تھا کہ محکمے نے ملازمین کا ریکارڈ، تنخوائیں، افسران و ملازمین کی فہرست 30 نومبر کو طلب کیں ہیں، اس کے علاوہ حکام نے بلدیاتی اداروں سے 2010 میں بھرتی ملازمین کی تفصیلات پرفامے پر طلب کئے ہیں، اس سے قبل 2012 میں بھرتی ہونے والے ملازمین کی بھی تفصیلات طلب کی گئی تھیں۔

Comments

یہ بھی پڑھیں