کراچی: پیپلزپارٹی رہنما اور صوبائی وزیر بلدیات ناصر حسین شاہ کی والدہ رضائے الٰہی سے انتقال کرگئیں۔
اے آر وائی نیوز کی رپورٹ کے مطابق وزیر بلدیات سندھ ناصر حسین شاہ کی والدہ دار فانی سے کوچ کرگئیں، وہ کراچی کے مقامی اسپتال میں زیر علاج تھیں۔
ناصر حسین شاہ کی والدہ کی میت مقامی اسپتال سے سکھر کے لیے روانہ کردی گئی، نماز جنازہ کل صبح 11 بجے کربلا میدان روہڑی میں ادا کی جائے گی۔
ناصر حسین کی والدہ کے انتقال پر پیپلزپارٹی کے شریک چیئرمین آصف علی زرداری، چیئرمین پیپلزپارٹی بلاول بھٹو زرداری، وزیراعلیٰ سندھ سید مراد علی شاہ سمیت دیگر سیاسی رہنماؤں نے دکھ اور افسوس کا اظہار کیا۔
بلاول بھٹو کا کہنا تھا کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے، پیپلزپارٹی قیادت ناصر حسین شاہ کے غم میں برابر کی شریک ہے۔
Comments
- Advertisement -