کراچی : صوبائی وزیر برائے صنعت و تجارت منظور وسان نےکراچی میں سائیٹ لمیٹیڈ دفتر پر چھاپہ مارااورغیرحاضری پرایم ڈی سائیٹ سمیت اعلیٰ افسران کو معطل کردیا.
تفصیلات کےمطابق صوبائی وزیر منظور وسان نے آج صبح سائٹ لمیٹیڈ مختلف سیکشنز کا دورہ کیااورغیر حاضری پر ایم ڈی سائیٹ لمیٹڈ غلام مجتبیٰ جویو،سیکریٹری آغا فخر ،ڈپٹی چیف انجنیئرعبدالمالک بھٹی کومعطل کردیا.
صوبائی وزیر صنعت وتجارت کوبتایاگیاکہ نوسوچودہ ملازمین میں سے تین سو آٹھ ملازمین غیر حاضرہیں،انہوں نے غیرحاضر ملازمین کا ڈیٹاحاصل کرلیا.
منظور وسان کی جانب سے غیر حاضر ملازمین کو شوکاز نوٹسزجاری کیےگئے،انہوں نے کہاکہ افسران اور ملازمین اپنا قبلا درست کریں.
*مجھے فوری حل چاہیے،شہر کو صاف ستھرا دیکھنا چاہتا ہوں
یاد رہے کہ گزشتہ روز وزیر اعلیٰ سندھ مراد علی شاہ کی زیر صدارت کراچی میں صفائی کی ناقص صورت حال پر اجلاس میں وزیراعلیٰ سندھ کا کہنا تھا کہ کراچی کو صاف دیکھنا چاہتاہوں.
ان کا مزید کہنا تھا کہ کراچی کی صاف ستھرائی کے حوالے سے مجھے فوری حل چاہیے،شہر کو صاف ستھرا دیکھنا چاہتا ہوں.
