کراچی: سندھ کے سابق وزیراعلیٰ ارباب غلام رحیم اوراپوزیشن رہنما شہریارمہرنے بلدیاتی انتخابات میں دھاندلی کے ثبوت پیش کردئیے، دوسری جانب ذوالفقارمرزا نے الزام لگایا ہے کہ سندھ حکومت نے دھاندلی کے لئے پولیس کا استعمال کیا ہے۔
تفصیلات کے مطابق سندھ کے اپوزیشن ممبران اور مرزا گروپ نے بلدیاتی انتخابات میں صوبے بھرمیں بے ضابطگیوں کے ثبوت پیش کردئیے۔
ارباب غلام رحیم نے اپنی رہائش گاہ پر پریس کانفرنس کا انعقاد کیا جس میں انہوں نے کہا کہ سندھ میں حلقہ بندیوں کے ذریعے دھاندلی کی گئی جبکہ ووٹرز کو پیسے بھی دئیے گئے۔
ارباب غلام رحیم اور پاکستان مسلم لیگ فنکشنل کے رہنما شہریار مہر نے الزام عائد کیا کہ الیکشن کمیشن شفاف انتخابات کے انعقاد میں ناکام ہوگیا۔
اس موقع پر سابق وزیراعلیٰ سندھ ذوالفقارمرزا نے کہا کہ سندھ حکومت نے پولیس کو دھاندلی کے آلے کے طورپراستعمال کیا، انہوں نے صوبے میں انتخابات کے دوران امن وامان برقراررکھنے پر رینجرزکے کردارکو سراہا۔
مرزا نے یہ بھی کہا کہ بلاول بھٹو کو بدین لاکر انکی توہین کرائی گئی ہے۔
اس موقع پر اپوزیشن پارٹی کے ممبران نے دھاندلیوں اور بے ضابطگیوں کے خلاف وائٹ پیپربھی جاری کیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں