The news is by your side.

Advertisement

سندھ پولیس ایکٹ عجوبہ ہے، آئی جی کا عہدہ نمائشی رہ جائے گا، افضل شگری

کراچی : سابق آئی جی سندھ افضل شگری نے کہا ہے کہ سندھ پولیس ایکٹ ایک عجوبہ ہے، ساری طاقت وزیر داخلہ کو دینے کی کوشش کی گئی ہے، محمکہ تقسیم اور آئی جی کا عہدہ نمائشی رہ جائے گا۔

یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ سندھ حکومت نے پولیس ایکٹ بہت جلد بازی میں تیار کیا کیونکہ سندھ حکومت کا آئی جی سے جھگڑا چل رہا ہے۔

اس ایکٹ کے نفاذ سے پولیس کے ڈھانچے میں سنگین مسائل پیدا ہوں گے،  ایکٹ میں ساری طاقت وزیر داخلہ سندھ کو دینے کی کوشش کی گئی ہے، نیا ایکٹ آنے سے آئی جی کا عہدہ ایک نمائشی عہدہ رہ جائے گا۔

سابق آئی جی کا کہنا تھا کہ اگر فورس کمانڈر کو کمزور کیا گیا تو وہ بکھرجائے گی، ایکٹ نافذ ہونے سے پولیس ایک غیر منظم ملیشیا بن جائے گی اور پولیس کو کمزور کرنے سے سیاسی حکومت بھی کمزور ہوگی، پولیس کمزور پڑی تو خلا پیدا ہوگا اوراس سے مزید بدامنی پیدا ہوگی۔

افضل شگری نے کہا کہ نیا ایکٹ نافذ ہونے سے پولیس چھوٹے چھوٹے ٹکڑوں میں بٹ جائیگی، وفاقی حکومت پولیس ایکٹ بنائے جو تمام صوبوں میں یکساں نافذ ہو۔

مزید پڑھیں: سندھ پولیس پر اب میرا کنٹرول نہیں رہا، آئی جی سندھ کا وزیر اعلیٰ کو خط

انہوں نے بتایا کہ پولیس آرڈر2002 میں تمام چیزوں کو مدنظر رکھا گیا تھا، اس پولیس آرڈر کا حال بھی بلدیاتی حکومتوں کی طرح کیا گیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں